سعودی حکومت کی جانب سے عازمین حج کے لیے کورونا ویکسینیشن کی شرط نے پاکستانی عازمین کو مشکل میں ڈال دیا۔
ذرائع کے مطابق پاکستانی وزارت خارجہ کی جانب سے سعودی حکومت سے چینی ویکسین رجسٹرڈ کرنے کی درخواست کی گئی ہے۔
پاکستان نے چین کے علاوہ دیگر ممالک کی ویکسین فوری لگوانا مشکل قرار دے دیا ہے۔
پاکستانی وزارت خارجہ کا موقف ہے کہ پاکستانیوں نے چینی ویکسین لگوائی ہے۔ ڈاکٹرز دوبارہ کوئی اور ویکسین لگوانے کی اجازت نہیں دیتے۔ سعودی وزارت صحت چینی ویکسین کی اجازت دے۔
پاکستان نے موقف اپنایا ہے کہ ڈبلیو ایچ او نے چینی ویکسین کو منظور کر لیا ہے ۔ سعودی وزارت صحت بھی چینی ویکسینیشن کو تسلیم کرے۔
واضح رہے کہ سعودی حکومت نے عازمین حج اور عمرہ زائرین کے لیے سعودی وزارت صحت کی منظور کردہ ویکسینیشن کی شرط عائد کررکھی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News