آئندہ آنے والے انتخابات میں الیکٹرانک ووٹنگ مشین کا استعمال کیا جائے گا،شبلی فراز

تنزیلہ قریشی

03rd Aug, 2021. 09:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

آئندہ آنے والے انتخابات میں الیکٹرانک ووٹنگ مشین کا استعمال کیا جائے گا،شبلی فراز
سندھ میں ضمنی بلدیاتی انتخابات، پیپلز پارٹی کا پلڑا بھاری، 16 نشستیں جیت لیں
اقوام متحدہ میں نائب وزیراعظم اسحاق ڈار کا خطاب، غیر منصفانہ مالیاتی نظام اور قرض بحران پر کڑی تنقید
وزیراعظم اور سری لنکن صدر کی ملاقات، دوطرفہ تعلقات کو نئی جہت دینے پر اتفاق

Now Reading:

آئندہ آنے والے انتخابات میں الیکٹرانک ووٹنگ مشین کا استعمال کیا جائے گا،شبلی فراز

وفاقی وزیرِ سائنس و ٹیکنالوجی سنیٹر شبلی فراز نے کہا ہے کہ وزیراعظم کے وژن کے مطابق آئندہ آنے والے انتخابات میں الیکٹرانک ووٹنگ مشین استعمال کی جائے گی۔

وفاقی وزیرِ سائنس و ٹیکنالوجی سنیٹر شبلی فراز نے میڈیا سے گفتگو کرتے ہوئے کہا کہ الحمد اللہ وزارتِ سائنس و ٹیکنالوجی نے الیکٹرانک ووٹنگ مشین تیار کرلی ہے، آئندہ انتخابات میں ٹیکنالوجی کا استعمال کیا جائے گا اور ووٹنگ مشین کار آمد ثابت ہوگی۔

شبلی فراز کا کہنا تھا کہ ووٹنگ مشین الیکشن کمیشن آف پاکستان کی ہدایات کے مطابق بنائی گئی ہے اب انتخابات میں ٹیکنالوجی کا استعمال مدد گار ثابت ہوگا تاکہ انتخابات میں ہارنے والا امیدوار نتائج تسلیم کرے۔

انہوں نے کہا کہ ووٹنگ مشین میں انٹرنیٹ اور آپریٹنگ سسٹم نہیں ہے جس کی وجہ سے یہ بیرونی مداخلت سے صاف ہے،مشین کے استعمال سے آئندہ آنے والے انتخابات غیر متنازعہ اور سب کے لئے قابلِ قبول ہونگے۔

وفاقی وزیرِ سائنس و ٹیکنالوجی سنیٹر شبلی فراز کا مزید کہنا تھا کہ ووٹنگ مشین جلد کابینہ، اپوزیشن جماعتوں، پارلیمنٹ اور الیکشن کمیشن کو دکھائیں گے۔