پنجاب پولیس کا حال اب تک ویسا کا ویسا ہی، ناکے پر شہری سے رشوت کی دیہاڑی لگا لی

تفصیلات کے مطابق ڈی آئی جی آپریشنز سہیل چودھری نے رشوت لینے کی وجہ سے اے ایس آئی سمیت 6 اہلکار معطل کر دیے ہیں۔

ذرائع کا کہنا ہے کہ معطل ہونے والے افسران میں اے ایس آئی اعجاز، کانسٹیبل حسنین، کانسٹیبل حمید الرحمٰن اور کانسٹیبل ہدایت، ہیڈ کانسٹیبل اویس اور کانسٹیبل جاوید شامل ہیں۔

ذرائع نے کہا کہ رشوت خور پولیس اہلکاروں کے خلاف تھانہ رائیونڈ سٹی میں مقدمہ درج کر کے انہیں حوالات میں بند کر دیا گیا ہے۔

ذرائع کے مطابق شہری نے ٹوئٹر اکاؤنٹ پر رشوت کے خلاف شکایت درج کروائی تھی۔

ترجمان لاہور پولیس نے کہا کہ اہلکاروں کو انکوائری میں قصور وار ثابت ہونے پر معطل کیا گیا ہے۔

ذرائع کا کہنا ہے کہ ڈی آئی جی آپریشنز سہیل چودھری نے معاملے پر فوری نوٹس لیتے ہوئے انکوائری کا حکم دیا تھا۔

ذرائع کے مطابق ایس پی صدر اور اے ایس پی رائیونڈ سرکل نے اہلکاروں کی انکوائری کی تھی۔

سہیل چودھری نے کہا کہ محکمہ پولیس کو بدنام کرنے والے اہلکار کسی رعایت کے مستحق نہیں ہیں اور ہمیں رشوت ستانی، اختیارات سے تجاوز کسی صورت برداشت نہیں ہے۔