ایکسپو سینٹر لاہور کو ویکسینیشن کے لیے بند کرنے کا فیصلہ کر دیا گیا ہے۔
سیکرٹری محکمہ پرائمری اینڈ سیکنڈری ہیلتھ کیئر پنجاب عمران سکندر بلوچ نے اپنے بیان میں فیصلے کی وضاحت کرتے ہوئے کہا کہ گھر گھر ویکسینیشن فراہم کرنے کے آغاز کے بعد ایکسپو سینٹر کو ویکسینیشن کے لیے بند کر دیا گیا ہے۔
عمران سکندر بلوچ کا کہنا تھا کہ عوام کو گھر گھر ویکسینیشن کی سہولت فراہم کرنے کے بعد ایکسپو سینٹر ویکسینیشن مرکز کھولے رکھنے کا جواز نہیں بنتا۔
ان کا کہنا تھا کہ عوام کی سہولت کی خاطر محکمہ صحت کی ٹیمیں گھر گھر جا کر کورونا ویکسین لگا رہی ہیں۔ ریچ ایوری ڈور ویکسینیشن مہم کے پہلے مرحلے کے دوران ایک کروڑ چالیس لاکھ سے زائد افراد کو کورونا سے بچاؤ کی ویکسین لگائی گئی ہے۔
انہوں نے مزید کہا کہ پنجاب میں ریچ ایوری ڈور ویکسینیشن مہم کے دوسرے مرحلے کا جلد آغاز کر دیا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
