مبینہ پولیس مقابلہ میں ہلاک ہونے والے ارسلان محسود کے کیس میں اہم پیشرفت ہوئی ہے۔
کچھ روز قبل پولیس مقابلہ میں قتل ہونے والا نوجوان طالبعلم ارسلان محسود کی مسلح ویڈیوز اور تصاویر سامنے آنے پر کیس نیا رُخ اختیار کرنے لگا۔
ارسلان محسود کی مختلف ویڈیوز سامنے آگئیں جس میں مقتول کو اپنے دوستوں کے ساتھ مختلف ہتھیاروں کا استعمال کرتے ہوئے فائرنگ کرتے ہوئے دیکھا گیا۔
نوجوان ارسلان محسود کو اورنگی ٹاؤن پولیس نے 6 دسمبر کو مقابلے میں ہلاک کرنے کا دعویٰ کیا تھا جس پر لواحقین نے پولیس مقابلے کو جعلی قرار دے کر ایس ایچ او سمیت تین افراد پر مقدمہ درج کرایا تھا۔
لواحقین نے ارسلان محسود کو طالبعلم قرار دیا تھا، پولیس نے مقابلے کے وقت ارسلان محسود کے قبضے سے ٹی ٹی پستول برآمد ہونے کا دعویٰ کیا تھا۔
حساس اداروں نے ہلاک نوجوان ارسلان محسود کی ویڈیوز کا ڈیٹا مرتب کر کے مقتول کی اسلحے کے ساتھ تصاویر اور ویڈیوز پولیس حکام کو بھی ارسال کر دیں۔
ارسلان محسود جعلی مقابلہ کیس میں سابق ایس ایچ او سمیت تین ملزم جیل میں ہیں۔
نوجوان کی مسلح ویڈیوز اور تصاویر سامنے آنے پر لواحقین کے بیانات پر بھی سوالات اٹھنے لگے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News