لاہور: وزیر اعلی پنجاب سردارعثمان بزدار نے ماہر امراضِ خون ڈاکٹر طاہر شمسی کے انتقال پر اظہار افسوس کیا ہے۔
وزیر اعلی پنجاب سردار عثمان بزدار نے اپنے بیان میں سوگوار خاندان سے دلی ہمدردی و اظہار تعزیت کرتے ہوئے کہا کہ ڈاکٹر طاہر شمسی کی وفات سے دلی صدمہ ہوا ہے۔
انہوں نے کہا کہ امراضِ خون کے علاج معالجے میں ڈاکٹر طاہر شمسی مرحوم نے اپنا نام پیدا کیا، ان کی طبی شعبہ کے لئے خدمات کو ہمیشہ یاد رکھا جائے گا۔
یہ بھی پڑھیں: معروف ماہرامراض خون پروفیسر ڈاکٹر طاہر شمسی انتقال کر گئے
واضح رہے کہ ڈاکٹر طاہر شمسی نے 1996ء میں پاکستان میں بون میرو ٹرانسپلانٹ متعارف کروایا، انہوں نے 650 ٹرانسپلانٹ کئے اور 100سے زائد تحقیقی آڑٹیکلز تحریر کیے ہیں جبکہ انہوں نے کورونا کے دنوں میں کورونا کے لئے پلازمہ ٹرانسپلانٹ کے ذریعے اعلاج کیا۔
سن 2011 میں ڈاکٹر شمسی نے خون سے متعلق بیماریوں کے علاج کے لیے نیشنل انسٹی ٹیوٹ فار بلڈ ڈیزیزز قائم کیا اور 2016 میں ڈاؤ گریجویٹس ایسوسی ایشن آف نارتھ امریکہ نے انہیں ان کی خدمات کے اعتراف میں لائف ٹائم اچیومنٹ ایوارڈ سے نوازا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News