کراچی: تحریک انصاف کے رکن قومی اسمبلی عالمگیر خان کے والد نجی بینک کی عمارت دھماکے میں جاں بحق ہوگئے ہیں۔
بول نیوز کے مطابق تحریک انصاف کے رکن قومی اسمبلی عالمگیر خان کے والد دلاور خان نجی بینک کی عمارت میں دھماکے کے نتیجے میں جاں بحق ہوگئے ہیں۔
رپورٹس کے مطابق رکن قومی اسمبلی عالمگیر خان کے والد شیر شاہ میں اپنے شوروم میں موجود تھے جبکہ ان کی لاش دھماکے کے بعد نالے میں جاگری تھی۔
یہ بھی پڑھیں: کراچی میں نجی بینک کی عمارت میں دھماکے سے 14 افراد جاں بحق، متعدد زخمی
دوسری جانب رکن قومی اسمبلی عالمگیر خان نے اپنے والد کے جاں بحق ہونے کی تصدیق کردی ہے۔
ترجمان کراچی پولیس کے مطابق شیر شاہ میں نالے پر قائم نجی بینک کی برانچ میں دھماکا گیس لیکیج کے باعث ہوا ہے جبکہ بم ڈسپوزل اسکواڈ کی جاری کردہ رپورٹ کے مطابق دھماکہ گیس بھر جانے کے باعث ہوا۔
یاد رہے کہ واقعے میں دہشت گردی سمیت کسی قسم کی تخریب کاری کے شواہد ابھی تک نہیں ملے ہیں جبکہ پولیس اور سیکیورٹی ادارے جائے وقوعہ پر امدادی کارروائیوں میں مصروف ہیں۔
یہ بھی پڑھیں: بوائلر پھٹنے سے دھماکا، جاں بحق افراد کی تعداد 8 ہوگئی
رپورٹس کے مطابق دھماکا اس قدر شدید تھا کہ ناصرف بینک کی دیواریں گر گئی بلکہ قریب واقع پیٹرول پمپ کو بھی کافی نقصان پہنچا، اس کے علاوہ اطراف کی عمارتوں کے بھی شیشے ٹوٹ گئے جبکہ طبی عملے نے 14 افراد کے جاں بحق ہونے کی تصدیق کردی ہے اور کئی کی حالت تشویشناک بتائی جارہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News