خیبرپختونخوا میں گزشتہ 24 گھنٹوں کے دوران کورونا سے 2 افراد انتقال کر گئے، محکمہ صحت

ویب ڈیسک

20th Dec, 2021. 11:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبرپختونخوا میں گزشتہ 24 گھنٹوں کے دوران کورونا سے 2 افراد انتقال کر گئے، محکمہ صحت

محکمہ صحت نے کہا ہے کہ خیبرپختونخوا میں گزشتہ 24 گھنٹوں کے دوران کورونا سے 2 افراد انتقال کر گئے ہیں۔

محکمہ صحت نے خیبرپختونخوا میں کورونا وائرس کی صورتحال پر رپورٹ دیتے ہوئے کہا کہ صوبے میں کورونا سے جاں بحق افراد کی تعداد 5 ہزار 911 ہو گئی ہے۔

ادارے کا کہنا تھا کہ خیبرپختونخوا میں 24 گھنٹوں میں کورونا وائرس سے مزید 12 افراد متاثر ہوئے ہیں جس کے بعد صوبے میں کورونا کیسز کی مجموعی تعداد 1 لاکھ 81 ہزار 23 ہو گئی ہے۔

محکمہ صحت نے کہا کہ خیبرپختونخوا میں 24 گھنٹوں کے دوران کورونا سے متاثرہ 1 مریض صحتیاب ہوا ہے جس کے بعد صوبے میں کورونا سے صحت یاب افراد کی تعداد ایک لاکھ 74 ہزار 403 ہو گئی ہے۔

ادارے نے کہا کہ پشاورمیں گزشتہ چوبیس گھنٹوں کے دوران کورونا سے 2 افراد جاں بحق ہوئے ہیں، پشاورمیں کورونا وائرس سے جاں بحق افراد کی مجموعی تعداد 2868 ہو گئی ہے۔

ادارے نے یہ بھِی کہا کہ پشاورمیں کورونا سے 24 گھنٹوں کے دوران مزید 10 افراد متاثر ہوئے ہیں اور پشاورمیں کورونا کیسز کی مجموعی 66 ہزار 189 ہو گئی ہے۔

محکمہ صحت کا یہ بھی کہنا تھا کہ مردان میں گزشتہ چوبیس گھنٹوں کے دوران 2 افراد میں کورونا وائرس کی تصدیق ہوئی ہے۔