وزیر جیل خانہ جات پنجاب فیاض الحسن چوہان نے کہا ہے کہ پیپلزپارٹی حکومت کی الٹی گنتی شروع ہونے کے انتظار میں ساڑھے تین سال سے بیٹھی ہے۔
وزیر جیل خانہ جات پنجاب فیاض الحسن چوہان نے چیئرمین پیپلزپارٹی بلاول زرداری کے بیانات پر ردعمل پیش کیا ہے۔
انہوں نے کہا ہے کہ وزیراعظم عمران خان کے کامیاب دورہ لاہور کے بعد اپوزیشن جماعتوں کو سانپ سونگھ گیا ہے۔
انہوں نے مزید کہا کہ گزشتہ سات سال سے بلاول زرداری ہوا میں تیر چلانے اور ٹامک ٹوئیاں مارنے میں مصروف ہیں اس لئے اب بلاول لاہور آئیں، 126 دن دھرنا دیں، اگلی بات اس کے بعد ہو گی۔
ان کا کہنا تھا کہ لانگ مارچ کے بعد بلاول زرداری اور پیپلز پارٹی “آگا دوڑ پیچھا چوڑ” کی عملی تصویر بنتے دکھائی دے رہے ہیں کیونکہ ہر در سے ٹھکرائے جانے کے پیپلز پارٹی نے لانگ مارچ کی شکل میں چار و ناچار اپنی ڈیڑھ اینٹ کی مسجد بنا لی ہے۔
انہوں نے اپنے خیالات کا اظہار کرتے ہوئے کہا ہے کہ بہت جلد پیپلز پارٹی دیگر صوبوں کی طرح سندھ سے بھی ہزیمت اٹھائے گی۔
خیال رہے کہ چیئرمین پیپلزپارٹی بلاول بھٹو نے رحیم یار خان میں عوامی مارچ سے خطاب کرتے ہوئے کہا کہ تین سال گزر چکے ہیں کیا تبدیلی پسند آئی، کون کہتا تھا پیٹرول مہنگا ہو ا تو وزیراعظم چور ہے؟ عمران چور وزیر اعظم ہے، عمران نااہل وزیر اعطم ہے اور عمران ناجائز وزیر اعظم ہے۔
چیئرمین پیپلزپارٹی نے کہا کہ عمران خان عوام کو بے وقوف بنانے کی کوشش کر رہا ہے، اب ان کا جھوٹ نہیں چلے گا صرف اور صرف تیر چلے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News