قومی اسمبلی میں قائد حزب اختلاف اور مسلم لیگ (ن) کے صدر شہباز شریف نے کہا ہے کہ صحافت اور سیاست جمہوری نظام کی بقا، فروغ اور تحفظ میں ہمیشہ ساتھ ساتھ رہے ہیں کیونکہ دونوں کے بغیر کسی ایک کی آزادی قائم نہیں رہ سکتی ہے۔
اپنے بیان میں شہباز شریف نے ایسوسی ایشن آف الیکڑانک میڈیا ایڈیٹز اینڈ نیوز ڈائریکٹرز (ایمینڈ) کے نومنتخب عہدیداروں کو مبارک پیش کرتے ہوئے کہاکہ ایمینڈ کی قیادت آپ نے ایسے مرحلے پر سنبھالی ہے جب صحافت اور اظہار رائے کی آزادی پر کاری حملے ہورہے ہیں اور آئین میں دی گئی آزادیوں پرسیاہ قوانین کے ذریعے شب خون مارا جارہا ہے۔
انہوں نے یقین دہانی کراتے ہوئے کہا کہ دستور میں دی گئی صحافت، اظہا رائے اور شہری آزادیوں کے تحفظ اور فروغ کی جدوجہد میں آپ کے ساتھ ہیں۔
قائد حزب اختلاف نے کہا کہ پیکا کالے قانون کو مسترد کرچکے ہیں، آرڈیننس کی پارلیمنٹ سے منسوخی کے لئے قرارداد جمع کرادی ہے اور امید ہے کہ حکومت کے اتحادی اور باضمیر حکومتی ارکان بھی پیکا آرڈیننس کی منسوخی کے لئے قرارداد کے حق میں ووٹ دیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News