وزیراعظم کے ترجمان اور معاون خصوصی ڈاکٹر شہباز گل نے ٹاک شو کے دوران تحریک انصاف کے رکن قومی اسمبلی رمیش کمار کو گالی دینے کے بعد اب براہ راست پریس کانفرنس میں لفظ بیوہ کی تعریف کے لیے انتہائی لغو اور بیہودہ لفظ کا استعمال کیا ہے۔

شہباز گل کے اس بیان کے بعد سے ہی انہیں سوشل میڈیا پر شدید تنقید کا نشانہ بنایا جارہا ہے۔

اس حوالے سے ناقابل اشاعت الفاظ بھی ٹرینڈنگ میں رہے ہیں۔

تاہم، شہباز گِل اپنے دعوے پر قائم ہیں اور اب انہوں نے اپنے دلائل سے سینئر صحافی حامد میر کو بھی قائل کرلیا ہے۔

شہباز گل نے پریس کانفرنس کے دوران خاتون صحافی آمنہ عامر کے ایک سوال کے جواب میں کہا کہ زبان و بیان میں ہر جگہ کی اپنی بات ہوتی ہے، میں چھوٹی سے بات بتا دیتا ہوں مجھے بھی چند دن پہلے پتہ چلی ہے کہ  ہمارے پنجاب میں جب کسی خاتون  کا شوہر فوت ہوجاتا ہے  تو اسے  (ر***) کہا جاتا ہے اور جب کسی مرد کی بیوی فوت ہوجائے تو اسے ”رنڈوا“ کہا جاتا ہے۔

شہباز گل نے سینئر صحافی چوہدری خادم حسین کا مضمون شیئر کرتے ہوئے اپنے ٹوئٹ میں لکھا کہ یہ کالم چوہدری خادم حسین صاحب کا ہے، مجیب الرحمن شامی صاحب کے اخبار میں چھپا ہوا ہے۔ اس میں (اس لفظ) کے معنی دیے ہوئے ہیں۔ کالم کا عنوان ہی (***) سے شروع ہوتا ہے۔ ایک اور محاورہ بھی حاضر ہے۔ مسئلہ ان سب کو مجھ سے ہے۔

سینئر صحافی حامد میر نے  شہباز گل کے ٹوئٹ کے جواب میں لکھا کہ چلیں ایک لفظ پر تو آپ مستند حوالہ لے آئے کیونکہ چوہدری خادم حسین ہمارے استادوں میں شامل ہیں، لیکن اس لفظ کے استعمال میں احتیاط کی ضرورت ہے کیونکہ اُردو میں اس کا مطلب کچھ اور ہے، وہ دوسرا والا لفظ آپ نے غلط استعمال کیا اس پر آپ نے معذرت کر لی اس لیے اس لفظ کا ذکر چھوڑیں۔

چلیں ایک لفظ پر تو آپ مستند حوالہ لے آئے کیونکہ چودھری خادم حسین ہمارے استادوں میں شامل ہیں لیکن اس لفظ کے استعمال میں احتیاط کی ضرورت ہے کیونکہ اُردو میں اسکا مطلب کچھ اور ہے ، وہ دوسرا والا لفظ آپ نے غلط استعمال کیا اس پر آپ نے معذرت کر لی اس لئے اس لفظ کا ذکر چھوڑیں https://t.co/NAyCfh8biM

— Hamid Mir (@HamidMirPAK) March 21, 2022

ڈاکٹر اے بی نامی ٹوئٹر صارف نے اسی بحث کا حصہ بنتے ہوئے اپنے ٹوئٹ لکھا کہ مذکورہ لفظ کا مطلب ”وہ عورت جس کا شوہر فوت ہوجائے“ بالکل درست ہے۔ مگر ہمارے معاشرے میں یہ لفظ دوسرے معنی میں زیادہ استعمال ہوتا ہے شاید اس لیے کنفیوژن ہے۔

شہباز گل نے لکھا کہ یہی بات میں نے کی تھی۔ کہ ایک جگہ یہ گالی سمجھا جاتا ہے اور دوسری جگہ بیوہ کے لیے استعمال ہوتا ہے۔

انہوں نے کہا کہ میں خان کے دفاع میں ڈٹ کر کھڑا ہوں ان کو اصل مسئلہ اس سے ہے، اس لیے میری ہر چیز بری لگتی ہے۔

ان کا مزید کہنا تھا کہ سب کی تنقید کا محور شہباز گل ہے۔ وجہ صرف ایک، کسی طرح اس کو چپ کروا کر خان کو کمزور کرو۔

یہی بات میں نے کی تھی۔ کہ ایک جگہ یہ گالی سمجھا جاتا ہے اور دوسری جگہ بیوہ کے لئے استعمال ہوتا ہے۔

Advertisement

میں خان کے دفاع میں ڈٹ کر کھڑا ہوں ان کو اصل مسلہ اس سے۔ اس لئےمیری پر چیز بری لگتی ہے۔ سب کی تنقید کا محور شہباز گل ہے۔ وجہ صرف ایک،کسی طرح اس کو چپ کروا کر خان کو کمزور کرو https://t.co/3t15jJALSt

— Dr. Shahbaz GiLL (@SHABAZGIL) March 21, 2022