سابق صوبائی وزیر علیم خان کی لندن میں نواز شریف سے ملاقات ہوئی ہے جس میں سیاسی مستقبل کے حوالے سے رابطے جاری رکھنے پر اتفاق کیا گیا ہے۔

اس حوالے سے ذرائع کا کہنا ہے کہ ملاقات میں پاکستان کی موجودہ سیاسی صورتحال اور تحریک عدم اعتماد پر بات چیت ہوئی اور پنجاب کی موجودہ صورتحال پر بھی گفتگو کی گئی ہے۔

 ذرائع کے مطابق دونوں کا سیاسی مستقبل کے حوالے سے رابطے جاری رکھنے پر اتفاق کرتے ہوئے پنجاب گورننس اور دیگر معاملات کو مایوس کن قرار دیا ہے۔

ملاقات کے دوران نوازشریف نے علیم خان کو ن لیگ میں شامل ہونے کی دعوت دی  ہے  جس پر علیم خان نے اس حوالے سے مثبت جواب دیا ۔

خیال رہے کہ علیم خان اور نواز شریف کے درمیان ملاقات تین گھنٹے جاری رہی جس میں اسحاق ڈار اور نواز شریف کے بیٹے حسین نواز بھی تھے ۔

دوسری جانب علیم خان نے نواز شریف سے ملاقات کے بعد جہانگیر ترین سے ملاقات کی جو کہ ان دنوں میں دوسری ملاقات تھی۔

اس ملاقات کے حوالے سے ذرائع کا کنا ہے کہ آئندہ چند دنوں میں ترین گروپ کے بڑے فیصلے کا امکان ہے۔