غداری اور کفر کے فتوے قبول نہیں کریں گے، طاہر اشرفی

ویب ڈیسک

18th Apr, 2022. 10:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غداری اور کفر کے فتوے قبول نہیں کریں گے، طاہر اشرفی

علامہ طاہر اشرفی نے کہا ہے کہ غداری اور کفر کے فتوے قبول نہیں کریں گے۔

تفصیلات کے مطابق علامہ طاہر اشرفی نے کراچی میں علاقائی امن کانفرنس سے خطاب کرتے ہوئے کہا کہ پیغام پاکستان نے امن کا پیغام دے کر نوجوانوں کو دہشتگرد بننے سے بچایا۔

انہوں نے کہا کہ کوئی غلط فہمی میں نہ رہےکہ قوم کے دل میں فوج کی نفرت پیدا کی جاسکتی ہے اور جو یہ سمجھتے ہیں کہ پاکستان کی قوم اور فوج کو آپس میں متصادم کروادیں گے، ان کو ہماری لاشوں پر سے گزرنا ہوگا۔

طاہر اشرفی نے یہ بھی کہا کہ پاک فوج کے خلاف پروپیگنڈے کے تانے بانے اسرائیل، بھارت سے ملتے ہیں، نوجوان نادانستہ طور پر پروپیگنڈے کا شکار ہورہے ہیں۔

انہوں نے کہا کہ ایک مخصوص طاقت چاہتی ہے کہ قوم اور فوج میں دوریاں پیدا کرے لیکن وہ دن دور نہیں جب فرقہ پرستی اور نفرت ختم ہوگی۔

ان کا کہنا تھا کہ آصف زرداری اور دیگر سیاستدانوں سے کہتا ہوں، مل بیٹھیں، غیرجانبدار انتخابی نظام ضروری ہے۔

علامہ طاہر اشرفی کا مزید کہان تھا کہ غداری اور کفر کے فتوے قبول نہیں کریں گے جبکہ ملک میں فساد پیدا نہیں ہونے دیں گے۔