گدو تھرمل پاور پلانٹ کی 265 میگاواٹ بجلی سسٹم سے آؤٹ ہے۔
ذرائع کے مطابق گدو پاور پلانٹ اس وقت 810 میگاواٹ بجلی پیدا کر رہا ہے۔ پلانٹ میں آگ لگنے سے پہلے 1075 میگاواٹ بجلی پیدا ہو رہی تھی ، ابھی 265 میگاواٹ بجلی سسٹم سے آؤٹ ہے۔
ذرائع کا کہنا ہے کہ گدو پاور پلانٹ کے ٹوٹل 16 یونٹ میں سے 6 یونٹ چل رہے ہیں جبکہ 10 یونٹ بند پڑے ہیں۔
واضح رہے کہ عید کی رات کو پاور پلانٹ کے یونٹ نمبر 16 اور 11 میں بارش کے باعث آگ لگ گئی تھی ۔
آگ لگنے سے دونوں یونٹس کے جنریٹر اور ایک روٹر مکمل تباہ ہوگیا تھا جن کی مالیت 25 ارب روپے بتائی جا رہی ہے۔
ذرائع کا کہنا ہے کہ پاور پلانٹ میں لگنے والی آگ پر تین گھنٹے کی کوششوں کے بعد قابو پایا جاسکا تھا۔ آتشزدگی سے پلانٹ کے دونوں یونٹ مکمل طور پر جل گئے تھے۔
ذرائع کا مزید کہنا ہے کہ پاور پلانٹ بحال ہونے میں کئی ماہ لگ سکتے ہیں۔
یاد رہے کہ چند روز قبل 969 میگاواٹ کا نیلم جہلم ہائیڈرو پاور پراجیکٹ بھی فنی خرابی سے بند ہوگیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News