پاکستان کو اس وقت سب سے بڑا چیلنج کیا درپیش ہے، سروے رپورٹ میں انکشاف ہوگیا۔
گیلپ اینڈ گیلانی پاکستان کے ایک سروے کے مطابق نصف سے زیادہ (54 فیصد) پاکستانیوں کا خیال ہے کہ مہنگائی اس وقت پاکستان کو درپیش سب سے بڑا چیلنج ہے۔
سروے میں ملک بھر سے شماریاتی طور پر منتخب خواتین و حضرات سے کچھ اداروں کے نام لے کر یہ سوال پوچھا گیا کہ پاکستان کو اس وقت سب سے بڑا چیلنج کون سا درپیش ہے، اس بارے میں اپنی رائے کا اظہار کریں۔
اس سوال کے جواب میں 54 فیصد نے مہنگائی، 26 فیصد نے بے روزگاری، 6 فیصد نے بجلی کی لوڈشیڈنگ، 5 فیصد نے سیاسی بے چینی، 3 فیصد نے خراب امیج، 2 فیصد نے پانی کی کمی، ایک فیصد نے بچوں کی تعلیم، 2 فیصد نے دیگر مسائل کہا اور ایک فیصد نے کہا کہ کوئی نہیں ۔
گیلانی ریسرچ فاؤنڈیشن کا حالیہ سروے گیلپ انٹرنیشنل سے منسلک گیلپ اور گیلانی پاکستان کی مدد سے کیا گیا۔
یہ سروے پاکستان کے چاروں صوبوں کی دیہی و شہری آبادی کے 1369 مرد و خواتین سے 16 مارچ 2022 تا 23 مارچ 2022 منعقد ہوا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News