سابق وزیراعظم اور چیئرمین پی ٹی آئی عمران خان نے کہا ہے کہ حکومت جھوٹے بیانات کی بنیاد پر مجھے اور میرے کارکنوں کو نشانہ بنارہی ہے۔

تفصیلات کے مطابق شہباز گل کو دوبارہ پولیس ریمانڈ پر بھیجے جانے کے فیصلے پر تشویش کا اظہار کرتے ہوئے تحریک انصاف کے چیئرمین عمران خان نے کہا ہے کہ یہ حکومتی سازش کا حصہ ہے۔

Very concerned about Shahbaz Gill being sent into police remand again. He is in a fragile state of mental & physical health because of the torture inflicted on him when he was abducted & taken to undisclosed location & then again at the police station. This is part of conspiracy

Advertisement

— Imran Khan (@ImranKhanPTI) August 17, 2022

عمران خان نے کہا کہ شہباز گل کو اغواء کیا گیا اور نامعلوم مقام پر لے جایا گیا اور پھر دوبارہ پولیس اسٹیشن لے جایا گیا تو اس کی ذہنی اور جسمانی صحت کی حالت نازک ہے۔

انہوں نے کہا کہ مجھے اور پی ٹی آئی کو جھوٹے بیانات بناکر کر نشانہ بنایا جارہا ہے، میرے اور تحریک انصاف کیخلاف جھوٹے بیانات دلوائے جارہے ہیں ۔

انہوں نے مزید کہا کہ حکومت کی جانب سے پی ٹی آئی کے سوشل میڈیا کارکنوں کے خلاف یہ سازشی کارروائی کی جارہی ہے ،یہ ناقابل قبول ہے۔

عمران خان نے کہا کہ ہم اس ظلم کیخلاف قانونی چارہ جوئی کریں گے۔

عدالتی فیصلہ:

خیال رہے کہ اسلام آباد ڈسٹرکٹ سیشن عدالت کی جانب سے شہباز گل کے جسمانی ریمانڈ کی فوجداری نگرانی اپیل criminal revision پر محفوظ شدہ فیصلہ سنا دیا گیا ہے۔

ایڈیشنل سیشن جج زیبا چوھدری نے پولیس کی فوجداری نگرانی اپیل منظور کرتے ہوئے شہباز گل کو مزید 48 گھنٹے کے لیے پولیس کے حوالے کردیا ہے اور ساتھ ہی شہباز گل کا دو روز کے لیے جسمانی ریمانڈ دے دیا گیا ہے۔

پارٹی کا ردعمل:

شہباز گل کی لیگل ٹیم کی جانب سے ایڈیشنل سیشن جج زیبا چوہدری کے فیصلے کو فوری طور پر چیلنج کرنے کا فیصلہ کیا گیا ہے۔

ایڈیشنل سیشن جج کے فیصلے کی کاپی ملتے ہی درخواست کردی جائے گی، لیگل ٹیم کی جانب سے درخواست کی تیاری پہلے ہی کر لی گئی تھی ۔

شعیب شاہین ایڈووکیٹ، فیصل فرید ایڈووکیٹ ،انتظار پنجو تھہ ایڈووکیٹ اور نعیم پنجو تھہ ایڈووکیٹ کی طرف سے درخواست دائر کی جائے گی۔