ترجمان دفتر خارجہ عاصم افتخار احمد نے کہا ہے کہ پاکستان اسرائیل کی جانب سے غزہ پر حالیہ فضائی حملوں کی شدید مذمت کرتا ہے۔
تفصیلات کے مطابق ترجمان دفتر خارجہ عاصم افتخار احمد نے غزہ پر اسرائیلی فضائی حملوں کی شدید مذمت کرتے ہوئے کہا کہ پاکستان اسرائیل کی جانب سے غزہ پر حالیہ فضائی حملوں کی شدید مذمت کرتا ہے۔
“اسرائیل بین الاقوامی انسانی حقوق اور انسانی قوانین کی مکمل خلاف ورزی کر رہا ہے”
عاصم افتخار نے کہا کہ اسرائلی جارحیت کے نتیجے میں ایک 5 سالہ بچی سمیت متعدد بے گناہ فلسطین شہید اور زخمی ہوئے، جارحیت کی تازہ ترین لہر بین الاقوامی انسانی حقوق اور انسانی قوانین کی مکمل خلاف ورزی ہے۔
“عالمی برادری سے مطالبہ ہے کہ اسرائیل پر زور دے کر طاقت کے بے دریغ استعمال کو روکے”
ترجمان دفتر خارجہ نے کہا کہ جارحیت کی تازہ ترین لہر دہائیوں سے بے گناہ فلسطینیوں کے خلاف اسرائیلی مظالم، غیر قانونی اقدامات اور طاقت کا اندھا دھند استعمال ہے، پاکستان نے عالمی برادری سے مطالبہ کیا ہے کہ وہ اسرائیل پر زور دے کر طاقت کے بے دریغ استعمال کو روکے۔
“جارحیت کو فوری طور پر روکنا ناگزیر ہے”
ان کا کہنا تھا کہ پاکستان عالمی برادری پر زور دیتا ہے کہ وہ اسرائیل کے ہاتھوں فلسطینی عوام کے انسانی حقوق کی صریح خلاف ورزیوں کو فوری طور پر بند کرے، جارحیت کو فوری طور پر روکنا ناگزیر ہے۔
انہوں نے مزید کہا کہ ہم اقوام متحدہ اور او آئی سی قراردادوں کے مطابق 1967 سے پہلے کی سرحدوں کے ساتھ ایک قابل عمل، خودمختار، فلسطینی ریاست کے لیے اپنے مطالبے کی تجدید کرتے ہیں، ایسی فلسطینی ریاست کہ جس کا دارلحکومت القدس الشریف ہو یہی مسئلہ فلسطین کا واحد، جامع اور دیرپا حل ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News