مسلسل بارشوں کے نتیجے میں سیلاب نے بڑی تباہی مچائی، مولانا عبدالغفور حیدری

غلام شبیرآرائیں

09th Sep, 2022. 09:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مسلسل بارشوں کے نتیجے میں سیلاب نے بڑی تباہی مچائی، مولانا عبدالغفور حیدری

جمعیت علماء اسلام ف کے مرکزی سیکریٹری جنرل مولانا عبدالغفور حیدری نے کہا ہے کہ مسلسل بارشوں کے نتیجے میں سیلاب نے بڑی تباہی مچائی ہے۔

تفصیلات کے مطابق مولانا عبدالغفور حیدری نے میڈیا کے نمائندوں سے گفتگو کرتے ہوئے کہا کہ سیلاب کے باعث پہلے بلوچستان ڈوبا اب سندھ ڈوب رہا ہے، بلوچستان سے اترنے والا پانی اب تک دادو اور سہون شریف اور منچھر کی طرف بہہ رہا ہے، پنجاب کے جنوبی اضلاع میں بھی سیلاب آیا ہوا ہے۔

ان کا کہنا تھا کہ باہر سے بھی فنڈز آرہے ہیں، اگر صحیح معنوں میں ان پیسوں سے آبادکاری کی جائے تو کافی مسائل حل ہو سکتے ہیں، ایک بار آبادکاری ہو جائے گی تو لوگ آباد ہو جائیں گے، آج مٹیاری اور ٹنڈوالہیار گیا لوگ اب بھی سڑک کنارے بیٹھے ہیں مجھے بظاہر کوئی سرکاری خیمہ نظر نہیں آیا۔

انہوں نے کہا کہ ڈیم صرف سیلاب کے لئے نہیں پانی کے ذخیرے اور بجلی کے لئے بننے چاہیے، ہمارے حکمرانوں کی سوئی کالا باغ پر اٹکی ہوئی ہے لیکن پاکستان میں بہت سی جگہیں ہیں جہاں ڈیم بن سکتے ہیں۔