سرکاری اسکولز میں کتابیں تقسیم نہ ہونے کی شکایت پر وزیر تعلیم سردار شاہ نے ایکشن لے لیا۔
تفصیلات کے مطابق وزیر تعلیم سردار شاہ نے حیدرآباد کے ایک سرکاری اسکول میں اچانک دورہ کر کے کتابیں برآمد کر لیں، اسکول کے ویئر ہاؤس میں دو ہزار سے زائد بچوں کی کتابیں برآمد ہوئیں۔
ذرائع کا کہنا ہے کہ کتابیں جنوری 2022 میں ایجوکیشن افسران کے حوالے کی گئیں تھیں ، ای ڈی او نے کتابوں کی تقسیم کو یقینی بنانے کے بجائے ویئر ہاؤس میں رکھوا دیا تھا۔
سردار شاہ نے کہا کہ اگر یہ اسکولز کی کتابیں ہیں تو وئیر ہاوس میں کیا کر رہی ہیں؟ یہ کتابیں بچوں کے پاس ہونی تھیں، مجھے شکایات تھیں کہ ٹیکسٹ بک بورڈ کی کتابیں اسکول میں نہیں ہیں۔
ان کا کہنا تھا کہ متعلقہ ایجوکیشن آفیسر کتابوں کو پہنچانے کا ذمہ دار ہوتا ہے۔
انہوں نے مزید کہا کہ اگر انکوائری کے بعد مزید کارروائی ہو گی، یہ کتابیں 500 سے 1000 بچوں کو ملنی تھیں۔
صوبائی وزیر نے انکوائری کا حکم دے دیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News