ترجمان وزیر اعلیٰ پنجاب فیاض الحسن چوہان نے کہا ہے کہ امپورٹڈ حکومت جب تک نئے الیکشن کا اعلان نہیں کرتی، ہم چین سے نہیں بیٹھیں گے۔
تفصیلات کے مطابق ترجمان وزیر اعلیٰ پنجاب فیاض الحسن چوہان نے لانگ مارچ کے حوالے سے بیان دیتے ہوئے کہا کہ امپورٹڈ حکومت کے دن گنے جا چکے ہیں، پوری قوم لانگ مارچ کے انقلاب کے لئے نکلنے والی ہے۔
ان کا کہنا تھا کہ فیصل واوڈا جیسے میر جعفر اور میر صادق عوام کو ڈرانے کی کوشش کر رہے ہیں، مگر عوام اب کسی ڈر اور خوف میں آئے بغیر عمران خان کے ساتھ نکلے گی، عوام پچھلے 6 ماہ سے فیصل واوڈا کی طرح کے آئٹم دیکھ اور سن رہی ہے۔
انہوں نے کہا کہ پوری پاکستانی قوم ڈٹ چکی ہے کہ ان چوروں اور لٹیروں سے جان چھڑا کے دم لینا ہے جنہوں نے لوگوں کا جینا محال کر دیا ہے ان کی پاکستان کی سیاست میں کوئی جگہ نہیں، پی ٹی آئی کے تاریخی لانگ مارچ میں لوگوں کا سمندر ہو گا جو چوروں لٹیروں اور نوسر بازوں کو بہا لے جائے گا۔
ان کا کہنا تھا کہ ان چوروں نے پاکستانی معیشت کا بیڑا غرق کر دیا ہے، آذادی مارچ ہی عوام کو امپورٹڈ حکومت سے حقیقی آزادی دلائے گا، ہر گھر، گلی اور محلے سے لاکھوں کی تعداد میں لوگ لانگ مارچ کے لئے عمران خان کے ساتھ نکلیں گے۔
فیاض الحسن نے مزید کہا کہ ہمارا لانگ مارچ پر امن اور آئین و قانون کے دائرے میں ہو گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News