پنجاب کے وزیر تعلیم مراد راس نے اعلان کیا ہے کہ پہلی سے آٹھویں جماعت تک کے تمام امتحانات آن لائن ہوں گے۔
صوبائی وزیر تعلیم مراد راس نے لاہور میں امتحانات سے متعلق پریس کانفرنس کرتے ہوئے کہا کہ امتحانات میں نقل ختم کرنے کے لیے جدید امتحانی سسٹم بنادیا ہے۔
‘تمام پرائیوٹ اسکولز کو ہم کمپیوٹر سسٹم مفت فراہم کرینگے’
انہوں نے کہا کہ رٹا سسٹم ختم کرنے کے لیے ایم سی کیو امتحانات بنیں گے، تمام پرائیوٹ اسکولز کو ہم کمپیوٹر سسٹم مفت فراہم کریں گے۔
مراد راس نے کہا کہ تمام امتحانات کیو آر کوڈ سے منسلک ہوں گے، اسکولز میں تعلیمی نظام کی بہتری کے لیے یہ قدم اٹھایا۔
صوبائی وزیر نے کہا کہ سنٹرلائزڈ امتحانی سسٹم سے اساتذہ کی قابلیت کا بھی پتا لگے گا، ہم نے اساتذہ کی ریٹائرمنٹ کو آن لائن کردیا ہے۔
‘نویں دسویں کے سیلیبس کو سیلابی صورتحال پر کم کردینگے’
انکا کہنا ہے کہ پندرہ ہزار سے زائد اساتذہ کی ریٹائرمنٹ آن لائن نظام کے ذریعے ہوئی ہے، ریٹائرمنٹ کے لیے سرکاری ملازمین کو مختلف محکموں میں رشوت دینا پڑتی تھی، اب ریٹائرمنٹ سرٹیفکیٹ آن لائن، رقم بینک میں ٹرانسفر ہوجائے گی۔
انہوں نے کہا کہ خواتین اساتذہ کو ریٹائرمنٹ کے لیے تنگ کیا جارہا تھا، سالانہ دس ارب روپے کی کرپشن کو ہم نے ختم کردیا، نویں دسویں کے سیلیبس کو سیلابی صورتحال پر کم کردیں گے۔
مراد راس کا کہنا ہے کہ ارشد شریف کے قتل پر سب کو بہت افسوس ہے، کبھی ایسے قتل حل نہیں ہوتے، قاتل کا پتا نہیں لگتاان کے قاتلوں کا بھی کبھی پتا نہیں لگے گا۔
وزیر تعلیم پنجاب نے مزید کہا کہ اس ملک کے زبردست لوگوں کو گولی ماردی جائے، کیا یہ جنگل کا قانون ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News