پاکستان اسٹاک ایکسچینج میں کاروباری ہفتے کے تیسرے روز انڈیکس میں منفی رجحان ریکارڈ کیا گیا ہے۔
تفصیلات کے مطابق پاکستان اسٹاک ایکسچینج (پی ایس ایکس) میں کاروباری ہفتے کے تیسرے روز انڈیکس میں ملاجلا رجحان رہا ، مندی کے باعث دن کے اختتام پر 100 انڈیکس میں 164 پوائنٹس کی کمی ہوئی۔
پی ایس ایکس بینچ مارک 100 انڈیکس 24 پوائنٹس کم ہو کر 42 ہزار 348 پر بند ہوا۔
کاروباری دن کے دوران انڈیکس آج 248 پوائنٹس کے بینڈ میں رہا جہاں اس کی بلند ترین سطح 42 ہزار 515 جبکہ کم ترین سطح 42 ہزار 274 رہی۔
حصص بازار میں آج 12 کروڑ شیئرز کے سودے ہوئے جن کی مالیت 4 ارب 65 کروڑ روپے سے زائد رہی جبکہ مارکیٹ کیپٹلائزیشن 5 ارب روپے بڑھی ہے جس کے بعد کاروبار کے اختتام پر مارکیٹ کیپٹلائزیشن 6 ہزار 768 ارب روپے ہے۔
دوسری جانب ڈالر کی قیمت میں مسلسل اضافے کے سلسلے میں گزشتہ دو روز سے ٹھہراؤ دیکھنے میں آیا ہے۔
انٹر بینک میں ڈالر کی قیمت میں نئے کاروباری ہفتے کے تیسرے روز بھی استحکام رہا ہے۔
Interbank closing #ExchangeRate for todayhttps://t.co/8Sn5Gy6Reh pic.twitter.com/R0cG6XaDmd
— SBP (@StateBank_Pak) November 30, 2022
اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں کوئی کمی یا اضافہ نہیں ہوا ہے۔
فاریکس ڈیلرز کے مطابق انٹربینک میں ڈالر گزشتہ روز کے 223.95 روپے کی سطح پر برقرار ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News