عمران خان نے بطور وزیر اعظم کون سے عالمی نشریاتی اداروں کو انٹرویوز دینے سے انکار کیا؟

عابد آرائیں

12th Nov, 2022. 02:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان نے بطور وزیر اعظم کون سے عالمی نشریاتی اداروں کو انٹرویوز دینے سے انکار کیا؟

عمران خان نے بطور وزیر اعظم عالمی نشریاتی اداروں یا صحافیوں کو 18 انٹرویوز دیے اور دو بین الاقوامی نشریاتی اداروں کو انٹرویو دینے سے انکار کیا۔

وزارت اطلاعات و نشریات کے ایکسٹرنل پبلسٹی ونگ نے انکشاف کیا ہے کہ سابق وزیر اعظم عمران خان نے اپنے دور حکومت میں مختلف غیرملکی نشریاتی اداروں یا صحافیوں کو مجموعی طور پر 18 انٹرویوز دیے۔

عمران خان نے دو بین الاقوامی نشریاتی اداروں کو انٹرویو دینے سے انکار بھی کیا ۔ انہوں نے مارچ2020 میں روسی نیوز ایجنسی (ٹاس) کو انٹرویو دینے سے انکار کیا ۔

عمران خان نے 10 مارچ 2020 کو آکسفورڈ یونیورسٹی کے بلاوا تنک اسکول آف گورنمنٹ کے خصوصی ٹاک شو میں شرکت سے بھی انکار کیا تھا ۔

محمد اقبال خان نامی شہری نے وزارت اطلاعات و نشریات سے یہ معلومات مانگی تھیں لیکن معلومات نہ ملنے پرانفارمیشن کمیشن سے رجوع کیا گیا تو انفارمیشن کمشنر محمد اعظم اور زاہد عبداللہ پر مشتمل دو رکنی کمیشن نے معلومات نہ دینے پر اقبال خان کی اپیل پر حکم جاری کیا جس پر وزارت کی جانب سے یہ معلومات فراہم کی گئیں۔