سعودی ولی عہد شہزادہ محمد بن سلمان کا دورہ پاکستان ملتوی ہو گیا ہے۔
تفصیلات کے مطابق محمد بن سلمان کا دورہ ایشیا ملتوی ہونے کے باعث دورہ پاکستان بھی ملتوی ہوگیا ہے۔
ذرائع کا کہنا ہے کہ محمد بن سلمان اب سیدھا انڈونیشیا کے شہر بالی جائیں گے جہاں وہ جی 20 سمٹ میں شرکت کریں گے۔
ذرائع کا کہنا ہے کہ محمد بن سلمان کے دورہ پاکستان کی نئی تاریخوں کا اعلان بعد میں کیا جائے گا تاہم محمد بن سلمان کے دورہ پاکستان ملتوی کرنے کی اب تک کوئی وجہ سامنے نہیں آئی۔
سفارتی ذرائع کے مطابق سعودی ولی عہد کے دورہ پاکستان میں 4.2 ارب ڈالرز اضافی بیل آؤٹ پیکج ملنے کی توقع تھی اور اس دوران پاکستان میں مضبوط سعودی سرمایہ کاری بھی متوقع ہے جب کہ متعدد پاک سعودی پیٹرولیم معاہدوں کو آخری شکل دی جا رہی ہے۔
دفتر خارجہ کی تصدیق
تفصیلات کے مطابق دفتر خارجہ کی ترجمان ممتاز زہرا بلوچ نے سعودی ولی عہد اور وزیراعظم محمد بن سلمان کے دورہ پاکستان کو ملتوی کرنے کی تصدیق کرتے ہوئے کہا ہے کہ ان کے دورے کی نئی تاریخ کا اعلان بعد میں کیا جائے گا۔
ترجمان کے مطابق دورے کی نئی تاریخوں کے لیے سفارتی سطح پر دونوں ممالک کے حکام رابطوں میں ہیں ، اس کا اعلان جلد ہی کر دیا جائے گا۔
واضح رہے کہ سعودی ولی عہد نے 21 نومبر کو دورہ ایشیا کے دوران پاکستان آنا تھا جس کی تصدیق سعودی سفارت خانے کی جانب سے بھی کی گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News