وفاقی وزیر آئی ٹی سید امین الحق نے کہا ہے کہ حکومت ملک میں نالج بیس اکنامی کے فروغ کے لیے بھرپور اقدامات کر رہی ہے۔
تفصیلات کے مطابق وفاقی وزیر آئی ٹی سید امین الحق سے او آئی سی کے وفد نے ملاقات کی جس میں باہمی دلچسپی کے امور اور پاکستان اور او آئی سی کے مابین انفارمیشن و کمیونیکیشن ٹیکنالوجیز کے میدان میں تعاون بڑھانے کے حوالے سے گفتگو ہوئی۔
امین الحق کا اس موقعے پر کہنا تھا کہ ڈیجیٹل اکانومی کے فروغ اور ممبر ممالک میں ڈیجیٹل منتقلی کے حوالے سے او آئی سی کا کردار لائق تحسین ہے، حکومت ملک میں نالج بیس اکنامی کے فروغ کے لیے بھرپور اقدامات کر رہی ہے، پاکستان کی اقتصادی ترقی میں انفارمیشن ٹیکنالوجی کا بڑا اہم کردار ہے۔
ان کا کہنا تھا کہ آئی ٹی برآمدات کے اضافہ کے لیے حکومت آئی سی ٹی سیکٹر کو ساتھ لیکر چل رہی ہے، پچھلے تین سالوں میں پاکستان کی آئی ٹی برآمدات میں دو گناہ اضافہ ہوا ہے، آف شور آؤٹ سورسنگ سروسز میں مالی حوالے سے پاکستان دنیا میں دوسری بڑی اہم لوکیشن ہے، ملک بھر میں کینکٹوٹی کو یقینی بنانے کیلئے بھرپور اقدامات جاری ہیں۔
انہوں نے کہا کہ پاکستان او آئی سی کے ساتھ اسٹریٹجک پارٹنرشپ کو مزید مستحکم کرنے کا خواہاں ہے، او آئی سی پاکستان کے ساتھ مصنوعی ذہانت، بلاک چین، انٹرنیٹ آف تھنگ، بگ ڈیٹا، روبوٹکس، کلاؤڈ سروسز کے حوالے سے تعاون کرے۔
او آئی سی کے وفد نے کہا کہ پاکستان او آئی سی کا بانی رکن ملک ہے، پاکستان حکومت کی آئی ٹی و ٹیلی کمیونیکیشن سیکٹر کی ترقی کے لیے اقدامات قابل تعریف ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News