سندھ پولیس نے کچے کے ڈاکوؤں سے نمٹنے کا فیصلہ کرلیا۔
ذرائع سندھ پولیس کے مطابق سندھ کے کچے کہ علاقے میں ڈاکوؤں کے خلاف اب ڈرون کارروائی ہوگی۔ ڈرون ٹیکنالوجی ابابیل فائیو میزائل کا باقاعدہ تجربہ بھی کرلیا گیا۔
آئیڈیاز 2022 میں سندھ پولیس کی جانب سے کچے میں آپریشن کے لیے جدید ٹیکنالوجی خریدنے کا فیصلہ کیا گیا تھا۔
مزید پڑھیں: سندھ پولیس کچے کے ڈاکوؤں سے نمٹنے کیلئے سرگرم
پولیس ذرائع کا کہنا ہے کہ کچے میں ڈاکوؤں کو ڈرون حملے سے مارنے کے آپریشن کو حتمی شکل دے دی گئی ہے۔ پہلے تجربے کے طور پر ڈرون سے مختلف تصاویر لی گئیں۔ یہ تجربہ گھوٹکی کے کچے علاقے میں کیا گیا۔
ابابیل فائیو کمپنی کے اسٹاف نے پولیس کے ساتھ مل کر گھوٹکی کے کچے میں مسلح ڈرون کو اڑایا۔ ڈاکوؤں کے ٹھکانو کی تصاویر لے لی گئیں، ڈرون کے ذریعے ٹارگٹ لاک بھی کیے گئے۔
کچے کے علاقے میں آپریشن کے ماہر پولیس افسران نے ابابیل فائیو کا جائزہ لیا اور اسے آپریشن کے لیے کامیاب قرار دے دیا۔
مزید پڑھیں: گھوٹکی، ڈاکوؤں کے حملے میں ڈی ایس پی اور ایس ایچ او سمیت 5 اہلکار شہید
پولیس ذرائع کا مزید کہنا ہے کہ ڈرون میزائل دو سے تین گھنٹے تک بغیر رکے آپریشن جاری رکھنے کی صلاحیت رکھتا ہے۔ ڈرون ابابیل 15 سو سے 2 ہزار میٹر بلندی پر اڑنے کی صلاحیت رکھتا ہے۔
ڈرون اسٹرائیک کے لیے کمانڈ اینڈ کنٹرول سسٹم وہیکل کچے کے علاقے سے 35 کلومیٹر دور رہ کر آپریشن سرانجام دے سکتا ہے۔
پولیس ذرائع کا کہنا ہے کہ جدید ڈرون کہ ذریعے ڈاکوؤں کے گھروں اور ان کے خفیہ ٹھکانوں کی ویڈیوز بنائی گئی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News