سابق وزیراعظم اور پاکستان تحریک انصاف کے چیئرمین عمران خان پر قاتلانہ حملے کی تفتیش میں اہم پیش رفت ہوئی ہے۔
تفصیلات کے مطابق عمران خان پر قاتلانہ حملے کے معاملے پر تشکیل دی جانے والی جے آئی ٹی نے فیصل واوڈا کو شامل تفتیش کرنے کا فیصلہ کیا ہے۔
پنجاب حکومت نے فیصل واوڈا کو شامل تفتیش کرتے ہوئے پیش ہونے کی ہدایت کر دی ہے جبکہجے آئی ٹی نے فیصل واوڈا کو کل ریکارڈ سمیت پیش ہونے کی ہدایت کی ہے۔
جوائنٹ انویسٹیگیشن ٹیم نے سانحہ وزیر آباد سے متعلق تفتیش میں فیصل واوڈا کو طلب کیا ہے کیونکہ انہوں نے آزادی مارچ میں خون خرابہ ہونے سے متعلق بیان دیا تھا تاہم فیصل واوڈا کو تمام دستاویزات، قومی شناختی کارڈ کے ساتھ پیش ہونے کی ہدایت کردی ہے۔
اسکے علاوہ یاسمین راشد ،حماد اظہر ،فیصل جاوید ،عمران اسماعیل، عمر سرفراز چیمہ، فیصل جاوید سمیت 35 افراد کو طلب کر لیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News