کراچی: پاکستان تحریک انصاف (پی ٹی آئی) کے رہنما عمران اسماعیل نے کہا ہے کہ اسحاق ڈار کے قدم رکھنے سے معیشت کہاں سے کہاں چلی گئی۔
سابق گورنر سندھ عمران اسماعیل اور قائد حزب اختلاف سندھ اسمبلی حلیم عادل شیخ نے اراکین و رہنماؤں کے ہمراہ میڈیا سے گفتگو کرتے ہوئے کہا کہ اسحاق ڈار کو معیشت کا جادوگر سمجھا جاتا تھا، آج معاشی حالات یہ ہیں کہ کنٹینرز پورٹ پر کھڑے ہیں۔
اس وقت کراچی کو بااختیار میئر کی ضرورت ہے
عمران اسماعیل نے کہا کہ تمام اقدامات ایم کیو ایم کو خوش کرنے کے لیے کیے جارہے ہیں، یہ ایک ایڈمنسٹریٹر سے کراچی کو چلانا چاہتے ہیں۔
پی ٹی آئی رہنما نے کہا کہ ماضی میں یہی لوگ کہتے تھے اسمبلیاں تحلیل کر کے الیکشن کرائیں، اس وقت کراچی کو با اختیار میئر کی ضرورت ہے، کراچی کے انتخابات ملتوی کرانے کی منصوبہ بندی کی جا رہی ہے، خدشہ ہے کراچی کے انتخابات بھی نہیں ہوں گے۔
انہوں نے کہا کہ اسلام آباد کے انتخابات بہانے سے ملتوی کرائے گئے، ہمیں امید ہے کورٹس سے انصاف ملے گا، عدالتیں یہ بتائیں کیا ہمیں اختیار نہیں ہے کہ ہم اسمبلی کو توڑیں۔
ملک کی معیشت زوال کا شکار ہے
سابق گورنر سندھ نے کہا کہ بلاول نے 17 بیرون ملک کے دورے کیے ہیں، بلاول کے والد جھوٹے وصیت نامے پر پارٹی پر قبضے کر کے بیٹھے ہیں۔
انکا کہنا ہے کہ کیا ایسے ملک میں رہنا چاہتے ہیں جہاں اپنی خارجہ پالیسی نہ بناسکیں، پاکستان کے مفاد کے خلاف خارجہ پالیسی کو فیل ہونا چاہیے، پاکستان کے مفاد میں خارجہ پالیسی کو سپورٹ کریں گے۔
عمران اسماعیل نے مزید کہا کہ ملک کی معیشت زوال کا شکار ہے، فیکٹر یاں بند اور مزدور بے روزگار ہو رہے ہیں، یہ حکومت ہر طرح سے انتخابات سے بھاگ رہی ہے۔
حلیم عادل شیخ کی گفتگو
دوسری جانب قائد حزب اختلاف سندھ اسمبلی حلیم عادل شیخ نے بھی میڈیا سے گفتگو کرتے ہوئے کہا کہ بلاول بھٹو کو پتا ہے سیلاب آسمان سے آتا ہے، یہ سرکاری خرچ پر دنیا میں اپنی لابنگ کرتے ہیں۔
انہوں نے مزید کہا کہ سب ادارے ان کے ہیں، امید تھی بلاول قاتلوں کو بے نقاب کرے گا، شاید قاتلوں کی نشانی اس طرف جاتی ہیں جو یہ نہیں بتانا چاہتے، مراد علی شاہ نے کل لطیفہ سنایا کہ بلاول وزیر اعظم بنیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News