ایف آٸی اے نے مرحوم ٹی وی اینکر عامر لیاقت حسین کی تیسری بیوی دانیہ شاہ کو اپنے شوہر کی ذاتی ویڈیوز لیک کرنے کے جرم میں گرفتار کر لیا ہے۔

تفصیلات کے مطابق ایف آٸی اے ساٸبر کراٸم سرکل کی ٹیم نے لودھراں میں چھاپہ مار کر مرحوم ٹی وی اینکرپرسن عامر لیاقت حسین کی تیسری بیوی دانیہ شاہ کو گرفتار کر لیا ہے۔

ایف آئی اے حکام کا کہنا ہے کہ ملزمہ کو متنازعہ ویڈیو سوشل میڈیا پر اپ لوڈ کرنے کے جرم میں گرفتار کیا گیا ہے، مرحوم کی بیٹی نے ملزمہ کے خلاف شکایت درج کروائی تھیں۔

مزید پڑھیں؛ ڈاکٹر عامر لیاقت کی سابقہ اہلیہ بشریٰ اقبال نے دانیہ شاہ کی حقیقت بیان کر دی

دانیہ شاہ کی والدہ سلمیٰ بی بی کا تھانہ صدر میں احتجاج

مرحوم ڈاکٹر عامر لیاقت کی ساس سلمیٰ بی بی نے تھانہ صدر میں احتجاج کرتے ہوئے کہا کہ میری بیٹی دانیہ شاہ کو پولیس اور پرائیویٹ افراد نے گھر میں گھس کر اٹھا لیا ہے، مسلح پولیس اہلکاروں نے دانیہ شاہ اور مجھ پر تشدد کیا۔

سلمیٰ بی بی کا کہنا ہے کہ پولیس اہلکاروں نے کہا کہ صدر تھانے آجائو تمہاری بیٹی مل جائے گی، تھانے آئی ہوں تو کوئی کچھ نہیں بتا رہا اور نہ ہی یہاں دانیہ موجود ہے، پولیس نے تشدد کر کے میری انگلی اور بازو توڑ دیے، جیسے عامر لیاقت کو مروایا تھا اب میری بیٹی کو بھی مروانے کا پلان بنایا ہے کیونکہ ہم نے وراثت کا کیس کیا ہے اور وراثت کوئی گناہ نہیں ہے۔

احتجاج کے دوران انہوں نے یہ بھی کہا کہ میری بیٹی کو کیس دائر کرنے کے دس دن بعد بشریٰ نے اٹھوالیا ہے، دانیہ کی عدت دو ماہ پہلے ختم ہو گئی ہے اور میرے پاس رہ رہی تھی، وزیر اعلیٰ پنجاب سے گذارش ہے کہ میری بیٹی واپس کروادیں، میری بیٹی کا کوئی قصور یا گناہ نہیں ہے۔

یہ بھی پڑھیں؛ عامر لیاقت کتنی جائیداد اور گاڑیاں پیچھے چھوڑ گئے؛ دانیہ شاہ کو کیا ملے گا؟ ڈاکٹرعامر لیاقت کے وکیل کے سنسنی خیز انکشافات