سیکرٹری صحت پنجاب ڈاکٹر احمد جاوید قاضی نے کہا ہے کہ سرکاری ہسپتالوں میں مریضوں کا بہترعلاج اولین ترجیحات میں شامل ہے۔
تفصیلات کے مطابق سیکرٹری صحت پنجاب ڈاکٹر احمد جاوید قاضی اچانک سروسز ہسپتال لاہور پہنچ گئے جبکہ اس موقع پر ایم ایس ڈاکٹر بشیر بھی موجود تھے۔
اس موقع پر ایم ایس ڈاکٹر بشیر نے سیکرٹری صحت پنجاب ڈاکٹر احمد جاوید قاضی کو ہسپتال میں آنے والے مریضوں کو فراہم کی جانے والی طبی سہولیات کی تفصیلات سے آگاہ کیا اور ڈاکٹر احمد جاوید قاضی نے سروسزہسپتال کے اچانک دورے کے دوران ایمرجنسی، آپریشن تھیٹرز اور مختلف وارڈز کا تفصیلی جائزہ بھی لیا۔
سیکرٹری صحت پنجاب ڈاکٹر احمد جاوید قاضی نے سروسز ہسپتال کے اچانک دورے کے دوران مریضوں کی عیادت کی اور طبی سہولیات کے بارے میں دریافت بھی کیا۔
ڈاکٹر احمد جاوید قاضی نے کہا کہ وزیر پنجاب اعلیٰ چوہدری پرویز الہٰی اور صوبائی وزیر صحت ڈاکٹر یاسمین راشد کی ہدایت پر مختلف سرکاری ہسپتالوں کا اچانک دورہ کرکے طبی سہولیات کا جائزہ لیا جارہا ہے۔
انہوں نے کہا کہ پنجاب کے سرکار ہسپتالوں میں مریضوں کا بہترعلاج ومعالجہ اولین ترجیحات میں شامل ہے جبکہ پنجاب کے تمام سرکاری ہسپتالوں کی ایمرجنسی میں مریضوں کو ہرقسم کی ادویات مفت فراہم کی جارہی ہیں۔
ان کا کہنا تھا کہ پنجاب کے تمام پنجاب کے تمام سرکاری ہسپتالوں کے ایم ایس حضرات کو مریضوں کو فراہم کی جانے والی طبی سہولیات کا خود جائزہ لینے کی ہدایت کی گئی ہے اور پنجاب کے کسی سرکاری ہسپتال میں مریضوں کے علاج و معالجہ میں ایک فیصد بھی غفلت برداشت نہیں کی جائے گی۔
ان کا یہ بھی کہنا تھا کہ پنجاب کے سرکاری ہسپتال عوام کے ٹیکسوں سے چل رہے ہیں۔
سیکرٹری صحت پنجاب ڈاکٹر احمد جاوید قاضی نے مزید کہا کہ پنجاب کے سرکاری ہسپتالوں میں صفائی ستھرائی کا خاص خیال رکھا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News