چیئرمین پی ٹی آئی عمران خان کو گرفتار کرنے کی کوشش کی گئی ہے ساتھ ہی ساتھ سیکیورٹی میں بھی کمی کردی گئی۔
تفصیلات کے مطابق پاکستان تحریک انصاف کے رہنماؤں کی جانب سے عمران خان کی گرفتاری خدشہ ظاہر کیا گیا تھا جبکہ تمام کارکنان کو بھی فوری طور پر زمان پارک پہنچنے کی ہدایات جاری کردی گئیں تھیں۔
فواد چوہدری:
اس حوالے سے رہنما پی ٹی آئی فواد چوہدری نے زمان پارک کے باہر میڈیا سے گفتگو کرتے ہوئے کہا کہ ہمارے کارکنان کو یہ پیغام پہنچا کہ عمران خان کو گرفتار کیا جانا ہے جبکہ عمران خان کو گرفتار کرنا پاکستان کو توڑنے کی کوشش ہے ۔
انہوں نے کہا کہ دو بجے کے قریب ہمیں اطلاع ملی کہ عمران خان کو پولیس آج گرفتار کرے گی اور اگر عمران خان کو گرفتار کیا گیا تو ہم پورے ملک میں پہیہ جام احتجاج کریں گے۔
یہ بھی پڑھیں: فواد چوہدری کو گرفتار کرلیا گیا
انہوں نے مزید کہا کہ یہ عمران خان کا خوف ہے جس کی وجہ سے ان کو نیند نہیں آرہی لیکن یہ احمق نہیں جانتے کہ گرفتاری سے تحریک زیادہ تیز ہوگی۔
اوورسیز پاکستانی:
اوورسیز پاکستانیوں کی جانب سے بھی عمران خان کی گرفتاری کے خدشات پر شدید ردعمل دیا گیا ہے۔
دوسری جانب لاہور پولیس کی جانب سے عمران خان کی سیکیورٹی پر تعینات پولیس اہلکار بھی کم کر دئیے گئے ہیں۔
عمران خان کو ایک طرف گرفتار کرنے کی تیاریاں کی جا رہی دوسری جانب ان کی سکیورٹی بھی محدود کر دی گئی ہے جبکہ لاہور فواد چوھدری کی گرفتاری کے بعد پی ٹی آئی رہنماوں کی مزید گرفتاریوں کا امکان ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News