مسلم لیگ ن کی چیف آرگنائزر مریم نواز  کے ملک گیر تنظیمی دوروں کا شیڈول جاری کردیا گیا ہے۔

تفصیلات کے مطابق وفاقی وزیر اطلاعات مریم اورنگزیب کی جانب سے مریم نواز کے ملک گیر تنظیمی دوروں کا شیڈول جاری کردیا گیا ہے۔

جاری کردہ شیڈول کے مطابق مسلم لیگ ن کی سینئر نائب صدر اور چیف آرگنائزر مریم نواز یکم فروری سے طوفانی تنظیمی دوروں کا آغاز کریں گی۔

شیڈول میں بتایا کہ مریم نواز یکم فروری کو بہاولپور میں ورکرز کنونشن سے خطاب کریں گی جبکہ 2 فروری کو پارٹی کا تنظیمی اجلاس منعقد ہوگا۔ 5 فروری کو ملتان میں کنونشن اور 6 فروری کو پارٹی کا تنظیمی اجلاس ہوگا۔

9 فروری کو مریم نواز ایبٹ آباد میں کنونشن سے خطاب کریں گی اور 10 فروری کو پارٹی کا تنظیمی اجلاس منعقد ہوگا۔

شیڈول میں بتایا گیا ہے کہ 15 فروری کو مریم نواز ڈیرہ غازی خان میں کنونشن اور جلسے سے خطاب کریں گی جبکہ 16 فروری کو پارٹی کے تنظیمی اجلاس کی صدارت کریں گی۔

اس کے علاوہ 19 فروری کو راولپنڈی میں ورکرز کنونشن ہوگا اور 20 فروری کو تنظیمی اجلاس ہوگا۔

23 فروری کو مریم نوازشریف سرگودھا میں ورکرز کنونشن سے خطاب اور 24 فروری کو پارٹی تنظیمی اجلاس کی صدارت کریں گی۔

شیڈول کے مطابق 27 فروری کو ساہیوال میں ورکرز کنونشن اور 28 فروری کو پارٹی تنظیمی اجلاس ہوگا۔

شیڈول میں بتایا کہ گوجرانوالہ میں 3 مارچ کو کنونشن اور 4 مارچ کو پارٹی تنظیمی اجلاس منعقد ہوگا جبکہ شیخوپورہ میں 7 مارچ کو کنونشن اور 8 مارچ کو پارٹی تنظیمی اجلاس ہوگا۔

علاوہ ازیں فیصل آباد میں 11 مارچ کو کنونشن اور 12 مارچ کو پارٹی کا تنظیمی اجلاس ہوگا جبکہ پشاور میں 15 مارچ کو ورکرز کنونشن اور16 مارچ کو تنظیمی اجلاس ہوگا۔

لاہور ڈویژن میں 19 مارچ کو کنونشن اور20 مارچ کو تنظیمی اجلاس ہوگا، اس کے بعد مریم نواز 23 مارچ کو کوئٹہ جائیں گی اور ورکرز کنونشن سے خطاب کریں گی۔

شیڈول میں مزید بتایا گیا ہے کہ 24 مارچ کو کوئٹہ میں مسلم لیگ (ن) کا تنظیمی اجلاس منعقد ہوگا، اس کے علاوہ کراچی میں ورکرز کنونشن 27 مارچ اور 28 مارچ کو تنظیمی اجلاس ہوگا۔

یہ بھی پڑھیں؛ مریم نواز پاکستان پہنچ گئیں

دوسری جانب مسلم لیگ ن کی چیف آرگنائزر مریم نواز آج سے سیاسی ملاقاتوں کا آغاز کریں گی۔

مسلم لیگ ن کی چیف آرگنائزر مریم نواز آج سینئر رہنماؤں سے ملاقات کریں گی، جس میں سیاسی صورتحال پر تبادلہ خیال کیا جائے گا اور سیاسی صورتحال پر حکمت عملی بھی مرتب کی جائے گی۔

اس دوران مریم نواز شریف مسلم لیگ ن کی تنظیم سازی سے متعلق مشاورت کریں گی اور پنجاب میں الیکشن کی تیاریوں کے متلعق آئندہ کے لائحہ عمل پر بھی غورو خوص کیا جائے گا۔

خیال رہے کہ مریم نواز شریف لیگی کارکنوں کو متحریک کرنے کیلئے ورکرز کنونشن میں بھی جائیں گی۔