پاکستان تحریک انصاف کے سینئر رہنما فواد چوہدری کے بھائی فراز چوہدری کو جہلم سے گرفتار کرلیا گیا ہے۔

تفصیلات کے مطابق فواد چوہدری کی گرفتاری کے خلاف ڈسٹرکٹ جنرل سکریٹری تحریک انصاف جہلم فراز چوہدری کی قیادت میں پی ٹی آئی کے کارکنوں کی جانب سے شدید احتجاج کیا گیا اور جادہ چوک جی ٹی روڈ ٹریفک کیلئے مکمل طور پر بند کردیا گیا۔

مظاہرین نے ٹائر جلا کر جی ٹی روڈ دو اطراف سے بند کر کے الیکشن کمیشن، وزیر اعلیٰ پنجاب اور حکومت کے خلاف شیدی نعرے بازی بھی کی۔

ڈی پی او کی قیادت میں پولیس کی بھاری نفری جادہ چوک پر پہنچ گئی اور لاٹھی چارج کر کے مظاہرین کو منتشر کر دیا۔

پاکستان تحریک انصاف کے سینئر رہنما فواد چوہدری کی گرفتاری کے کیخلاف جہلم میں احتجاجی مظاہرہ کرنے والوں پر پولیس کی جانب سے لاٹھی چارج کیا گیا ہے۔

یہ بھی پڑھیں: فواد چوہدری کا راہدری ریمانڈ منظور

فواد چوہدری کے بھائی فرازچوہدری کر گرفتار کر کے نا معلوم مقام پر منتقل کر دیا گیا ہے جبکہ پولیس نے درجن سے زائد کارکنان کو بھی گرفتار کرلیا ہے۔

خیال رہے کہ پولیس نے مظاہرین کو منتشر کر کے جی روڈ کھول دیا۔

فواد چوہدری کی گرفتاری

خیال رہے کہ سابق وفاقی وزیر اور پاکستان تحریک انصاف کے سینئر رہنما فواد چوہدری کو گرفتار کرلیا گیا ہے۔

یہ بھی پڑھیں: فواد چوہدری کی گرفتاری، پی ٹی آئی رہنماؤں کا سخت ردعمل

رہنما پی ٹی آئی کے بھائی فیصل چوہدری نے تصدیق کی ہے کہ فواد چوہدری کو ان کے گھر کے باہر سے نامعلوم افراد گرفتار کر کے لے گئے ہیں۔

فواد چوہدری کیخلاف درج مقدمے کی تفصیلات

فواد چوہدری کیخلاف سیکریٹری الیکشن کمیشن کی مدعیت میں تھانہ کوہسار میں مقدمہ درج کیا گیا تھا۔

ایف آئی آر کے متن میں بتایا گیا ہے کہ فواد چوہدری نے الیکشن کمیشن کی حیثیت ایک منشی جیسی ظاہر کی تھی اور الیکشن کمشنر کلرک کی طرح صرف سائن کرتا ہے۔

ایف آئی آر کے مطابق فواد چوہدری کا کہنا تھا کہ محسن نقوی کو وزیر اعلیٰ بنانے کا حکم دیا جاتا ہے جس پر الیکشن کمشنر نے دستخط کردیا ہے اور کہا ہے کہ اگر آپ اتنے کمزور ہیں تو گھروں میں بیٹھ جائیں۔

واضح رہے کہ کینٹ کچہری میں جوڈیشل میجسٹریٹ کینٹ مدثر حیات کی عدالت نے فواد چوہدری کے راہداری ریمانڈ پر فیصلہ محفوظ کرتے ہوئے ان کا میڈیکل کروانے کا بھی حکم دے دیا ہے۔

بعدازاں عدالت نے محفوظ فیصلہ سناتے ہوئے فواد چوہدری کا راہداری ریمانڈ دے دیا ہے جس کے بعد پی ٹی آئی رہنما کو کنیٹ کچری سے سروسز اسپتال منتقل کردیا گیا۔