فواد چوہدری کی اہلیہ حبا نے کہا ہے کہ یہ گرفتاری نہیں، اغوا ہے، بتایا جائے فواد چوہدری کو کس مقدمے میں اٹھایا گیا؟
اہلیہ حبا فواد نے بول نیوز سے گفتگو میں کرتے ہوئے کہا کہ مریم اورنگزیب کے کزن نے فواد پر ایف آئی آر درج کرائی۔
انہوں نے کہا کہ اہلکار گھر میں زبردستی گھس کر لے گئے، متعلقہ تھانے کو بھی پتہ نہیں تھا کہ کہاں لے جایا گیا۔
دوسری جانب فواد چوہدری کی اہلیہ نے اپنے ٹوئٹر پر کہا تھا کہ ہمیں بتایا جائے کہ فواد چوہدری کو کس مقدمے میں اٹھایا گیا، آئی جی پنجاب کو بھی رابطہ کیا گیا ہے لیکن وہاں سے کوئی جواب نہیں آیا اور متعلقہ تھانے کو بھی نہیں پتہ کہ فواد چوہدری کو کہاں لے کر جایا گیا۔
یہ بھی پڑھیں: فواد چوہدری کا راہدری ریمانڈ منظور
ان کی اہلیہ کا کہنا تھا کہ ہمارے گھر کے اندر 8 سے 10 پولیس والے آئے اور بغیر کوئی ایف آئی آر دکھائے اٹھاکر لے گئے، یہ گرفتاری نہیں، یہ اغوا ہے۔
فواد چوہدری کی گرفتاری
واضح رہے کہ سابق وفاقی وزیر اور پاکستان تحریک انصاف کے سینئر رہنما فواد چوہدری کو گرفتار کرلیا گیا ہے۔
یہ بھی پڑھیں: فواد چوہدری کی گرفتاری، پی ٹی آئی رہنماؤں کا سخت ردعمل
رہنما پی ٹی آئی کے بھائی فیصل چوہدری نے تصدیق کی ہے کہ فواد چوہدری کو ان کے گھر کے باہر سے نامعلوم افراد گرفتار کر کے لے گئے ہیں۔
فواد چوہدری کیخلاف درج مقدمے کی تفصیلات
فواد چوہدری کیخلاف سیکریٹری الیکشن کمیشن کی مدعیت میں تھانہ کوہسار میں مقدمہ درج کیا گیا تھا۔
ایف آئی آر کے متنمیں بتایا گیا ہے کہ فواد چوہدری نے الیکشن کمیشن کی حیثیت ایک منشی جیسی ظاہر کی تھی اور الیکشن کمشنر کلرک کی طرح صرف سائن کرتا ہے۔
ایف آئی آر کے مطابق فواد چوہدری کا کہنا تھا کہ محسن نقوی کو وزیر اعلیٰ بنانے کا حکم دیا جاتا ہے جس پر الیکشن کمشنر نے دستخط کردیا ہے اور کہا ہے کہ اگر آپ اتنے کمزور ہیں تو گھروں میں بیٹھ جائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News