سابق وفاقی وزیر اور رہنما پی ٹی آئی علی زیدی نے کہا ہے کہ اسحاق ڈار معیشت کے گرونانک بن کر آئے تھے  اور اب انہوں نے کہا ہے معیشت کا تحفظ اللہ تعالیٰ کرے گا۔

پریس کانفرنس کرتے ہوئے پاکستان تحریک انصاف کے رہنما علی زیدی نے کہا ہے کہ یہ لوگ نہیں جانتے کہ حکومت کیسے چلے گی اور حکومت چلانی کیسے ہے۔

انہوں نے کہا کہ پاکستان کی اکنامک صورتحال کے متعلق ان کو کچھ نہیں معلوم ہے، ان کی کوئی اسٹڈی نہیں ہے اور نہ ان کے پاس کوئی پلان ہے۔

یہ بھی پڑھیں: ہم آخری گیند تک لڑتے ہیں، علی زیدی

انہوں نے مزید کہا کہ یہ لوگ شارٹ ٹرم اور لانگ ٹرم پر  روزانہ کی بنیاد پر احمقانہ فیصلے کر رہے ہیں۔

علی زیدی کا کہنا تھا کہ اسحاق ڈار نے وزارت میں بڑے گونانک بن کر آئے تھے لیکن جب سے وہ آئیں ہیں معیشت کی تباہی ہوئی ہے اور اب کہتے ہیں کہاللہ پاکستان کی معیشت کی حفاظت کرے گا۔

ان کا کہنا تھا کہ  یہ  اپنی ہی حکومت میں بھاگے تھے اور اپنی ہی حکومت میں واپس آئیں ہیں جس کے لئے ان کا بنیادی مقصد اپنے اثاثے کلیئر کروانا تھا ۔

انہوں نے کہا کہ ان لوگوں نے پورے ملک کا بیڑا غرق کردیا ہے، معیشت پوری طرح بیٹھ گئی ہے، ایکسپوٹرز بھی سارے پھنسے ہوئے ہیں۔

انہوں نے مزید کہا کہ ان لوگوں نے اس ملک کو ادھر لے جاکر کھڑا کردیا ہے جہاں سے واپسی کا کوئی راستہ ہی نہیں ہے ۔

پارٹی رہنماؤں کی گرفتاری:

انہوں نے کہا کہ پاکستان کے سب سے بڑے ڈاکو آج اسمبلیوں میں بیٹھے ہوئے ہیں اور ان میں جو اور بڑے ڈاکو ہیں ان کو وزارتیں دے دیں گئیں ہیں اور فرخ حبیب کو ڈاکو کہا جارہا ہے۔

دوسری جانب رہنما پی ٹی آئی نے بتایا کہ آج سے 2 سال قبل کیماڑی میں ایک واقعہ پیش آیا تھا جس کی وجہ سے کئی لوگوں جاں بحق ہوگئے تھے، اس وقت سندھ حکومت اور ان کے ایم این ایز نے بہر شور مچایا کہ کے پی ٹی پر سویا بین کا جہاز لگایا ہوا اور اس سے اٹھنے والا دھواں لوگوں کے لئے جان لیوا ثابت ہورہا ہے۔

انہوں نے کہا کہ اس معاملے کی میں خود تحقیقات کی اور جہاز کا جائزہ بھی لیا جس کے بعد ماہرین نے بتایا کہ جہاں کچرا سے لینڈ فل کیا ہو یا کمیکل کاکام ہورہا ہو وہاں پر ایک گیس پیدا ہوتی ہے جو کہ زیادہ مقدار میں پیدا ہوجائے تو ہوا میں شامل ہو کر  عوام کو جانی نقصان پہنچاتی ہے۔

انہوں نے مزید کہا کہ اس وقت بھی ہم نے یہ کہا تھا کہ اس معاملے پر لوکل گورنمنٹ کو ایکشن لینا چاہیئے اور آج یہ پھر ہوا ہے ۔