مسلم لیگ (ن) کی نائب صدر مریم نواز نے کہا ہے کہ ہم نظریں بچھائے بیٹھے ہیں، آئیں جیل بھریں۔
تفصیلات کے مطابق مریم نواز نے صحافیوں سے غیر رسمی ملاقات کی جس کے دوران انہوں نے گفتگو کرتے ہوئے کہا کہ عمران خان کے دور میں ہم نے ہفتے کے چھ چھ دن عدالتوں میں گزارے، خان تو عدالتوں میں جاتے ہی نہیں، ہمیں یقین ہے قانون اپنا راستہ لے گا اور یہ سزا بھگتیں گے۔
مریم نواز نے کہا کہ پانچ ماہ میں نے ڈیتھ سیل میں گزارے، ابھی تو انصاف کا عمل شروع نہیں ہوا اور یہ گلے لگ کر رو رہے ہیں، عوام نے دہرا معیار دیکھا ہے۔
ان کا کہنا تھا کہ ڈیم والے بابا اور کھوسہ صاحب نے جو ناانصافی کی وہ عوام کے سامنے ہے، ایک کروڑ نوکریاں ہوں یا پچاس لاکھ گھر سب کچھ عوام کے سامنے عیاں ہے۔
انہوں نے مزید کہا کہ انکے دور میں بہت سے صحافیوں کو نوکریوں سے ہاتھ دھونا پڑے، میں زاتی طور پر میڈیا کی آزادی پر یقین رکھتی ہوں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News