پاکستان تحریک انصاف (پی ٹی آئی) چیئرمین عمران خان کی جانب شوکت خانم اسپتال کراچی کے متعلق اہم بیان جاری کیا گیا ہے۔

سماجی رابطے کی ویب سائٹ ٹوئٹر پر ایک بیان میں سابق وزیر اعظم عمران خان نے شوکت خانم کراچی سے متعلق کہا کہ تعمیراتی صنعت کو درپیش تمام چیلنجز اور کینسر کے آلات کی درآمد میں مشکلات کے باوجود، ماشاء اللہ شوکت خانم کراچی میں اس سال کے آخر میں کھلنے والی ہے۔

Despite all the challenges faced by the construction industry & difficulties in importing cancer equipment, MashaAllah Shaukat Khanum Karachi is set to open at the end of this year. SKMT Karachi will be twice the size of Lahore & will also have state of the art cancer equipment. pic.twitter.com/pemYDLDfoH

— Imran Khan (@ImranKhanPTI) February 26, 2023

چیئرمین عمران خان نے مزید کہا کہ شوکت خانم کراچی کا رقبہ لاہور سے دوگنا ہوگا اور اس میں کینسر کے جدید آلات بھی ہوں گے۔

کراچی شوکت خانم کی تعمیر کا کام تیزی سے جاری ہے

اس سے قبل اپنے ایک پیغام میں چیئرمین پاکستان تحریک انصاف عمران خان نے کہا تھا کہ کراچی شوکت خانم کی تعمیر کا کام تیزی سے جاری ہے، انشاء اللہ اگلے سال کے آخر میں  اس کا افتتاح کیا جائے گا۔

عمران خان نے کہا تھا کہ یہ اب تک کے شوکت خانم  پروجیکٹز میں سے سب سے بڑا ہوگا اور جدید ترین آلات سے لیس ہوگا۔

سابق وزیر اعظم نے مزید کہا تھا کہ حجم میں یہ شوکت خانم اسپتال لاہور سے دوگنا جبکہ تشخیص و علاج کی جدید ترین سہولیات سے بھی آراستہ ہو گا، شوکت خانم اسپتال کراچی میں سندھ اور جنوبی بلوچستان کے لوگوں کا علاج کیا جائے گا۔

یہ بھی پڑھیں: شوکت خانم تمام ہسپتالوں میں سب سے بڑا اور مشینری سے لیس ہوگا، عمران خان