پیٹرولیم مصنوعات کی قیمتوں میں اضافے کیخلاف سماعت غیر معینہ مدت تک ملتوی کر دی گئی ہے۔
تفصیلات کے مطابق عدالت نے درخواست گزار کی عدم حاضری پر سماعت غیر معینہ مدت تک ملتوی کر دی۔
عدالت نے قیمتوں کے تعین سے متعلق سپریم کورٹ کا فیصلہ طلب کیا تھا۔
درخواست میں موقف اپنایا گیا کہ وزارتِ خزانہ نے گزشتہ روز پیٹرول اور ڈیزل کی قیمتوں میں 35’35 روپے اضافہ کردیا، لائٹ ڈیزل اور مٹی کے تیل کی قیمتوں میں 18’18 روپے اضاضہ کردیا ہے، حکومت کی جانب سے عوام پر بوجھ ڈالنے کا نوٹس لیا جائے، پاکستانی عوام پہلے مہنگائی کے بوجھ تلے پسی ہوئی ہے۔
درخواست گزار نے گزارش کی کہ دو صوبوں کی اسمبلیاں تحلیل کردی گئی ہیں جبکہ قومی اسمبلی 33 ممبران کے استعفیٰ منظور کرلئے گئے ہیں، آئی ایم ایف کے ایجنڈے کو پورا کرتے ہوئے ملکی تاریخ میں پیٹرولیم مصنوعات کی قیمتوں میں اضافہ کیا گیا ہے، پیٹرولیم مصنوعات کی قیمتوں میں اضافے کی منظوری پارلیمنٹ سے لینے کی ہدایت کی جائے۔
ذرخواست میں سیکریٹری خزانہ،سیکریٹری پیٹرولیم ،اوگرا و دیگر کو فریق بنایا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News