کراچی: وزیر اعلیٰ سندھ مراد علی شاہ نے کہا ہے کہ ہمیں انفرا اسٹرکچر کی بہتری کیلئے فوری اقدامات کرنے کی ضرورت ہے۔

وزیر اعلیٰ مراد علی شاہ نے سندھ حکومت اور یو این کے ترقیاتی پروگرام کے زیر اہتمام صوبائی ڈونر کانفرنس سے خطاب کرتے ہوئے کہا کہ اس کانفرنس کو سندھ حکومت، یو این اور وفاقی حکومت کے تعارون سے منعقد کی گئی ہے۔

انہوں نے کہا کہ ہم نے ریکنسٹریکشن کے معاملات کو بہتر کرنے کیلئے اس کانفرنس کو منعقد کیا ہے۔

مراد علی شاہ نے کہا کہ موسمیاتی تبدیلیوں کی وجہ سے انفرا اسٹرکچر اور گھروں کو نقصان ہوا، حکومت کی جانب سے اب انفرا اسٹرکچر کی بحالی اور متاثرہ افراد کو رہائش کی سہولت دی جائے گی۔

وزیر اعلیٰ نے مزید کہا کہ میں شکر گزار ہوں کہ ورلڈ بینک اور ایشین ڈویلپمنٹ بینک اس معاملے پر ہماری مدد کیلئے تیار ہیں، ہمیں اس مسائل کے حل اور بہتری کیلئے فوری اقدامات کرنے کی ضرورت ہے۔

جولین ہارنیز رکن یونائیٹڈ نیشن

دوسری جانب پاکستان میں اقوام متحدہ کے ریزیڈنٹ اور انسانی امداد کے کوآرڈینیٹر جناب جولین ہارنیز نے خطاب کرتے ہوئے کہا کہ سیلاب سے سندھ بھر میں بڑے پیمانے پر نقصان ہوا، کمیونٹی لیول پر بھی سندھ میں نقصان ہوا۔

جولین ہارنیز نے مزید کہا کہ سندھ کی عوام اور حکومت کو اس صورتحال سے نمٹنے کیلئے ہر قسم کی مدد فراہم کر رہے ہیں، تمام ٹیکنیکل سپورٹ بھی فراہم کی جارہی ہیں۔

ممبر ورلڈ بینک

ممبر ورلڈ بینک نے کانفرنس سے خطاب کرتے ہوئے کہا کہ ترکیہ اور مصر میں حالیہ زلزلے اور نقصانات کا افسوس ہے، پاکستان میں بھی ماضی میں زلزلہ سے کئی خاندان متاثر ہوئے تھے، ہم اظہار یکجہتی اور مدد کیلئے یہاں موجود ہیں، ہم سیلاب سے نقصانات اور انکے بہتری کیلئے اکٹھا ہیں۔

انہوں نے کہا کہ سندھ کی آبادی دیگر مختلف ممالک سے زیادہ ہے، ہمیں ملکر سندھ کے عوام کی مدد کرنی ہے اور انفرا اسٹرکچر بہتر کرنا ہے۔

ورلڈ بینک کے ممبر نے مزید کہا کہ متاثرہ افراد کی فوری بحالی کیلے ہمیں مل کر کام کرنا ہوگا، ماحولیاتی تبدیلیوں سے کیسے نمٹنا ہے ہمیں سیکھنا ہوگا۔