موسٹ پاپولر اوورسیز پاکستانی ریحان صدیقی نے چیئرمین پی ٹی آئی عمران خان سے ملاقات کی ہے۔
تفصیلات کے مطابق موسٹ پاپولر اوورسیز پاکستانی ہم ایف ایم کے سی ای او ریحان صدیقی کی پاکستان تحریک انصاف کے چیئرمین و سابق وزیر اعظم عمران خان کے ساتھ زمان پارک لاہور میں خصوصی ملاقات ہوئی۔
ملاقات میں نامور گلوکار ابرار الحق ، اعظم سواتی اور شاہ محمود قریشی سمیت دیگر رہنما بھی شریک ہوئے ۔
یہ بھی پڑھیں: عمران خان کی گرفتاری کا خدشہ، کارکنان کی بڑی تعداد زمان پارک کے باہر جمع
اس موقع پر پاکستان میں موجودہ صورتحال اور اوورسیز پاکستانیوں کی کاوشوں پر تبادلہ خیال کیا گیا جبکہ پاکستان میں سیلاب کی تباہ کاریوں سے ہونے والے نقصانات اور بحالی کے کاموں میں اوورسیز پاکستانیوں کی خصوصی کاوشوں کو سراہا گیا ۔
امریکہ میں مقیم موسٹ پاپولر اوورسیز ریحان صدیقی جو پاکستانی فنکاروں کو دنیا بھر میں متعارف کروانے کے ساتھ ساتھ ان کے لیے تقریبات کا انعقاد کرتے ہیں اور پاکستانی این جی اوز کے ساتھ بغیر معاوضہ کام بھی کر رہے ہیں جس میں سہارا فاؤنڈیشن کےساتھ سیلاب متاثرین کے لیے گھر بنوا رہے ہیں جبکہ سہارا فاؤنڈیشن کی یونیورسٹی اور اسپتال کے لیے بھی کام کر رہےہیں۔
یہ بھی پڑھیں: تحریک انصاف کراچی کی عوام کے ساتھ ہے، عمران خان
ریحان صدیقی گلوکار عاطف اسلم، علی ظفر،علی عظمت، مہوش حیات، ابرارالحق، عابدہ پروین، نصیبو لعل اور فرحان سعید سمیت دیگر فنکاروں کے ایونٹ آرگنائز کر چکے ہیں ۔
وہ رواں سال گلوکار سجاد علی، میکال ذوالفقار، سونیا حسین، فواد خان، فہد مصطفیٰ، کبری خان اور ابرار الحق سمیت دیگر فنکاروں کے ساتھ سہارا فاؤنڈیشن کے چیریٹی شو امریکہ اور کینیڈا میں منعقد کرنے جارہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News