وزیر خارجہ بلاول بھٹو زرداری نے کہا ہے کہ وفاقی اور صوبائی حکومتیں عوام کی ترقی کےلیے کام کررہی ہیں۔
تفصیلات کے مطابق تھر بلاک ون انٹیگریٹڈ کول مائن پراجیکٹ کی افتتاحی تقریب سے خطاب کرتے ہوئے وزیر خارجہ بلاول بھٹو زرداری نے کہا ہے کہ آج ہمارے لئے بڑی خوشی کا موقع ہے کہ وزیراعظم صاحب ہمارے درمیان تھر میں موجود ہیں۔
انہوں نے کہا کہ وفاقی اور صوبائی حکومتیں عوام کی ترقی کے لیے کام کررہی ہیں اور وزیراعظم کے تعاون سے سندھ کے منصوبے مکمل ہورہے ہیں۔
انہوں نے مزید کہا کہ آج شنگھائی الیکٹرک کے 2 منصوبوں کا افتتاح کیا گیا ہے جس کی بدولت تھربدلے گا پاکستان حقیقت میں بدل رہا ہے۔
یہ بھی پڑھیں: اپنی ذات کو پاکستان کے مفاد پر قربان کرنا پڑے توکوئی دریغ نہیں، وزیراعظم
انہوں نے مزید کہا کہ منصوبوں کی تکمیل سے ترقی کی منازل طے ہوں گی۔
خیال رہے کہ وزیر اعظم شہباز شریف اور وزیر خارجہ بلاول بھٹو زرداری نے بدھ کو تھرپارکر میں مشترکہ طور پر 1650 میگا واٹ کے شنگھائی الیکٹرک تھر اور تھل نووا تھر منصوبوں کا افتتاح کیا۔
3.53 بلین ڈالر کی کل براہ راست سرمایہ کاری سے بنائے گئے، کوئلے سے چلنے والے یہ منصوبے سالانہ 11.24 بلین یونٹ کم لاگت بجلی پیدا کریں گے۔
ان منصوبوں کے افتتاح سے تھر کے کوئلے سے بجلی کی موجودہ پیداوار 3300 میگاواٹ ہو جائے گی۔
یہ منصوبے گزشتہ 4 سال سے التوا کا شکار تھے تاہم وزیر اعظم شہباز شریف کی ہدایت پر ان کی تکمیل کو اولین ترجیح بنایا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News