لاہور میں سابق وزیراعظم اور چیئرمین پی ٹی آئی عمران خان کی رہائشگاہ پر پولیس کی جانب سے آپریشن کے دوران کارکنان کی گرفتاریاں  شروع کردی گئیں ہیں۔

تفصیلات کے مطابق لاہور میں پولیس کی جانب سے زمان پارک جانے والے داخلی و خارجی راستوں کو کنٹینرز لگا کر بند کردیا گیا  ہے جبکہ پولیس کی بھاری نفری پہنچ گئی ہے۔

پولیس زمان پارک عمران خان کے گھر کے باہر پہنچ گئی
کارکنان کی جانب سے پتھراؤ

Advertisement

آپریشن شروع کارکنوں کی گرفتاریاں جاری
براہ راست دیکھیں: https://t.co/7PN6qbA9Hd#BOLNews #Zaman_Park_Lahore pic.twitter.com/LW5KeGM3ly

— BOL Network (@BOLNETWORK) March 18, 2023

سی سی پی او لاہور اور دیگر افسران پہنچ گئے ہیں جبکہ واٹر کینن اور دیگر چیزیں پہنچا دی گئی ہے۔

اس موقع پر کارکنان کی جانب سے پولیس پر پتھراؤ کیا گیا جبکہ پولیس نے متعدد کارکنان کو گرفتار کرلیا ہے ۔

بعدازاں پولیس  کی جانب سے کرین کے ذریعے زمان پارک اور عمران خان کے گھر کا دروازہ توڑ کر اند داخل ہوگئی ہے۔

اس کے علاوہ ہیوی مشینری سے زمان پارک کے باہر لگی تمام رکاوٹیں اور خیمے اکھاڑ دیا گیا ہے۔

خیال رہے کہ زمان پارک میں کارکنوں کے علاوہ کوئی بھی مرکزی یا صوبائی قائدین میں موجود نہیں ہیں۔

دوسری جانب اسلام آباد میں پولیس کی جانب سے دفعہ 144 کی خلاف ورزی کرنے والے پی ٹی آئی کارکنان کی گرفتاریاں شروع کردی گئی ہیں۔

سابق وزیراعظم عمران خان کی آج توشہ خانہ کیس میں اسلام آباد ہائی کورٹ میں پیشی کے باعث عدالتی حکم پر سیکیورٹی کے سخت انتظامات کئے گئے ہیں۔

سیکیورٹی انتظامات کی پیش نظر شہر میں دفعہ 144 نافذ کی گئی ہےجبکہ جی الیون میں انٹرنیٹ سروس بھی بند کر دی گئی ہے۔

یہ بھی پڑھیں: اسلام آباد: جی الیون میں انٹرنیٹ سروس بند

شہر بھر میں دفعہ 144 کے نفاذ کی پیش نظر جی الیون چوک آنے والے پی ٹی آئی ورکرز کو پولیس نے گرفتار کرنا شروع کردیا گیا ہے جبکہ پی ٹی آئی خواتین ورکرز کے علاوہ کسی ورکرز کو جی الیون چوک نہیں آنے دیا جارہا ہے۔

گرفتار ورکرز کو دو قیدی وین جی الیون چوک سے لیکر روانہ ہوگئی ہیں۔