پاکستان تحریک انصاف (پی ٹی آئی) کے چیئرمین عمران خان نے کہا ہے کہ شہباز شریف اپنے خلاف تحقیقات کرنے والے اداروں کے سربراہوں کی تعیناتیاں کررہے ہیں۔

سماجی رابطے کی ویب سائٹ ٹوئٹر پر اپنے جاری کرہ بیان میں سابق وزیراعظم عمران خان نے کہا کہ کسی ملک کا مستقبل کیا ہو سکتا ہے جب بدمعاشوں کو اس ملک کا حکمران بنا دیا جائے؟

What future can a country have when crooks are thrust as rulers upon it? SS was about to be convicted by NAB for Rs 8 bn money laundering & by FIA for another Rs 16 bn corruption when he was rescued by Gen Bajwa who kept getting NAB cases trial postponed. While under trial he was

— Imran Khan (@ImranKhanPTI) March 5, 2023

انہوں نے کہا کہ ایس ایس کو نیب کی جانب سے 8 ارب روپے کی منی لانڈرنگ اور ایف آئی اے کی جانب سے مزید 16 ارب روپے کی کرپشن کے الزام میں سزا سنائی جانے والی تھی جب انہیں جنرل باجوہ نے بچایا، جو نیب کے مقدمات کی سماعت ملتوی کرتے رہے۔

یہ بھی پڑھیں: منی لانڈرنگ کیس، شہباز شریف اور حمزہ شہباز بری

سابق وزیراعظم نے کہا کہ جنرل باجوہ نے شہباز شریف  کو  وزیراعظم بنایا، اس طرح ایک ملک بننا ری پبلک بن جاتا ہے۔

چیئرمین عمران خان نے مزید کہا کہ شہباز شریف اپنے خلاف تحقیقات کرنے والے اداروں کے سربراہوں کا تعین کر رہے ہیں۔

واضح رہے کہ وزیراعظم  شہباز شریف اور ان کے صاحبزادے حمزہ شہباز  ایف آئی اے منی لانڈرنگ کیس میں بری ہوگئے۔ اسپیشل سینٹرل کورٹ لاہور نے منی لانڈرنگ کیس میں شہباز شریف اور حمزہ شہباز کی بریت کا فیصلہ سنایا۔

وزیراعظم شہباز شریف نے منی لانڈرنگ کیس میں بری ہونے پر خوشی کا اظہار کرتے ہوئے کہا تھا کہ حق ذات نے پھر فضل فرمایا، منی لانڈرنگ کے جھوٹے، بے بنیاد، سیاسی انتقام پر مبنی مقدمے سے بریت کا یہ دن دکھایا، اس پر اللہ تعالیٰ کا جتنا شکر اداکریں کم ہے۔