وزیر اعظم شہباز شریف نے کہا ہے کہ ملک کو ڈیفالٹ کرنے والوں کا خواب خواب ہی رہ گیا، سیاسی استحکام کی جانب بڑھ رہے ہیں۔
تفصیلات کے مطابق وزیر اعظم شہباز شریف سے پاکستان پیپلز پارٹی کے شریک چیئرمین اور سابق صدر آصف علی زرداری نے ملاقات کی، جس میں قومی اسمبلی کی تحلیل اور نگران سیٹ اپ پر مشاورت کی گئی۔
اس موقع پر سلیمان شہباز، حمزہ شہباز اور وفاقی وزراء بھی موجود تھے۔
وزیر اعظم نے آصف زرداری کو آئندہ کی حکمت عملی پر اتحادیوں کو بھی اعتماد میں لینے کی یقین دہانی کرائی۔
آصف زرداری نے وزیراعظم کے آئی ایم ایف پیکیج میں کلیدی کردار کو سراہااور ڈیل پر مبارکباد دی، شہباز شریف نے آصف علی زرداری کا شکریہ ادا کیا۔
اس موقع پر آصف زرداری نے کہا کہ پی ٹی آئی کی معیشت کے لئے بارودی سرنگیں مل کر صاف کر رہے ہیں۔
شہباز شریف کا کہنا تھا کہ ہماری ساری توجہ معیشت کی مضبوطی پر ہے، اللہ کی مہربانی سے کامیابیاں مل رہی ہیں، ملک کو ڈیفالٹ کرنے والوں کا خواب خواب ہی رہ گیا، سیاسی استحکام کی جانب بڑھ رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News