پی ڈی ایم اے نے مون سون سیزن میں سیلاب کا خدشہ ظاہر کر دیا

ویب ڈیسک

25th Jul, 2023. 08:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ڈی ایم اے نے مون سون سیزن میں سیلاب کا خدشہ ظاہر کر دیا

پی ڈی ایم اے نے مون سون سیزن میں سیلاب کا خدشہ ظاہر کر دیا ہے۔

ترجمان پی ڈی ایم اے کے مطابق پنجاب کے مختلف اضلاع میں طوفانی بارشوں کا امکان ہے، تیز بارشوں کے نتیجے میں اربن فلڈنگ کے خدشات ہیں، ضلع ڈیرہ غازی خان کے نالوں میں خطرناک سیلاب کے امکانات ہیں۔

پی ڈی ایم اے کے مطابق منگلہ ڈیم 76 فی صد اور تربیلہ ڈیم 80 فی صد پانی سے بھر چکے ہیں، دریائے سندھ میں تربیلہ اور کالا باغ کے مقام پر نچلے درجے کا سیلاب ہے جبکہ چشمہ اور تونسہ کے مقام پر درمیانے درجے کا سیلاب ہے۔

ترجمان پی ڈی ایم اے کے مطابق دریائے ستلج میں جی ایس والا اور سلیمانکی کے مقام پر نچلے درجے کا سیلاب ہے۔

پی ڈی ایم اے کے مطابق موسم کی صورتحال کو دیکھتے ہوئے ڈی جی خان اور راجن پور کے ندی نالوں میں طغیانی آسکتی ہے ۔

ترجمان پی ڈی ایم اے کے مطابق سیالکوٹ، نارووال اور راولپنڈی کے ندی نالوں میں اگلے چوبیس گھنٹوں میں طغیانی کا امکان ہے، پنجاب کی تمام ڈویژنل انتظامیہ کو ضروری اقدامات کی ہدایات جاری کی جا چکی ہیں، راولپنڈی ضلعی انتظامیہ کو نالہ لئی سے تجاوزات ہٹانے کی ہدایات دی گئی ہیں، نالہ لئی کے راستے سے مقامی آبادی کو خالی کروانے کی ہدایات بھی جاری کر دی گئی ہیں۔