وزیر دفاع خواجہ آصف نے کہا ہے کہ ہمیں پانی کے ضیاع کو روکنا ہوگا۔

وفاقی وزیر خواجہ آصف نے اسلام آباد میں تقریب سے خطاب کرتے ہوئے کہا کہ میں چار سال واٹر اینڈ پاور کا منسٹر رہا، ہمارے پاس پانی وافر مقدار میں موجود ہے۔

انہوں نے کہا کہ ہمارے پاس آج بھی اتنا ہی پانی جتنا 65 سال پہلے تھا، گزشتہ سال بہت بارشیں ہوئیں اور سارا پانی سمندر میں چلا گیا۔

خواجہ آصف نے مزید کہا کہ ہمارا ایری گیشن کا نظام بھی موہنجودڑو کے زمانے کا ہے، دنیا کہاں پہنچ گئی ہم آج بھی فیلڈ ایری گیشن میں پھنسے ہوئے ہیں۔

اس سے قبل وفاقی وزیر خواجہ آصف نے اپنے ایک بیان میں کہا تھا کہ 13ماہ وزیر اعظم شہباز شریف نے جو کردار ادا کیا وہ شاید ہی کوئی اور ادا کر سکتا تھا، آئی ایم ایف معاہدے پر دستخط کر ناقابل فخربات نہیں، اتحادی حکومت نے ہمالیہ جیسے مسائل حل کیے۔

خواجہ آصف نے مزید کہا تھا کہ ملک میں ہزاروں روپے کا ٹیکس اور بجلی، گیس چوری ہوتی ہے یہ چوری ہوتی رہی تو ہمارا ملک معاشی طور پر کبھی مستحکم نہیں ہوسکتا، ایسے بھی شہر ہیں جہاں 85 فیصد تک بجلی اور گیس چوری ہوتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں