گلگت میں جگلوٹ اسکردو روڈ پر لینڈ سلائیڈنگ کے باعث پیش آنے والے ایک افسوسناک ٹریفک حادثے میں ایک ہی خاندان کے 4 افراد جاں بحق ہوگئے۔
اس حوالے سے ضلعی انتظامیہ نے بتایا کہ اسکردو سے گلگت جانے والی گاڑی شنگوس کے مقام پر لینڈ سلائیڈنگ کی زد میں آگئی جس کے نتیجے میں ایک ہی خاندان کی 3 خواتین اور 1 بچہ موقع پر ہی جاں بحق ہوگئے۔
ریسکیو 1122 نے بتایا کہ اس المناک حادثے میں ایک نوجوان شدید زخمی ہو جبکہ ریسکیو روندو کی ٹیم جائے حادثہ پر پہنچ گئی۔
ریسکیو ذرائع کے مطابق متاثرہ فیملی کا تعلق استور سے ہے، جو کہ اسکردو سے گلگت جارہے تھے۔
واضح رہے کہ گلگت بلتستان کے سیاحتی مقام اسکردو میں لینڈ سلائیڈنگ برساتی نالے کا رخ تبدیل ہونے کے باعث سیلابی صورتحال پیدا ہوگئی۔
برساتی نالے کا رخ تبدیل ہونے کے باعث کھرمنگ کے بالائی علاقہ ڈورو میں سینکڑوں کنال قابل کاشت اراضی زیر آب آ گئی۔
اہل علاقہ کا کہنا ہے کہ سیلاب کے باعث آلو اوردیگر فصلیں تباہ ہو گئیں جس سے کسانوں کو لاکھوں روپے کا نقصان ہوا، سیلابی نالے کا رخ تبدیل ہونے سے گاؤں کے زیر آب آنے کا بھی خدشہ ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News