Advertisement
Advertisement
Advertisement

سیاسی منظر نامہ تبدیل، پرویز خٹک نے اہم اعلان کردیا

Now Reading:

سیاسی منظر نامہ تبدیل، پرویز خٹک نے اہم اعلان کردیا
پرویز خٹک

عام انتخابات سے قبل پرویز خٹک کا سرپرائز اعلان

Advertisement

پاکستان تحریک انصاف (پی ٹی آئی) کے ترجمان نے سابق وزیراعلیٰ خیبرپختونخوا اور سابق وزیر دفاع پرویز خٹک کے الزامات کو جھوٹ قرار دے دیا ہے۔
تحریک انصاف کے ترجمان نے پرویز خٹک کے حالیہ بیان پر رد عمل دیتے ہوئے کہا ہے کہ ان کے عمران خان اور پارٹی کے خلاف بیان سراسر لغو، بے بنیاد اور جھوٹ پر مبنی ہیں۔
ترجمان نے کہا کہ پرویز خٹک پارٹی کے عہدوں سے علیحدگی اختیار کرنے کے بعد ان الزامات سے قوم کو گمراہ کرنے کی کوشش کر رہے ہیں، وہ عمران خان کو 9 مئی کے واقعات کا ذمہ دار ٹھہرا رہے ہیں جو سراسر جھوٹ، بے ہودہ اور بے بنیاد ہے۔
ترجمان کا کہنا ہے کہ پرویز خٹک بطور صوبائی صدر پارٹی کے تمام فیصلوں میں مکمل طور پر شریک ہونے کے ساتھ ساتھ اسٹیبلشمنٹ کے ساتھ بھی رابطے میں تھے، ان کو پریس کانفرنس کے بعد عمران خان کے فیصلے غلط نظر آنے لگے، اگر ان کو پارٹی کے کئے ہوئے فیصلوں سے اختلاف تھا تو اسی وقت عہدے اور پارٹی رکنیت سے مستعفی کیوں نہ ہوئے؟۔
پی ٹی آئی ترجمان نے کہا کہ کیا وجہ ہے کہ اپنے خیالات کا اظہار کرنے کیلئے پرویز خٹک نے 9 مئی کا انتظار کیا، قوم گواہ ہے کہ عمران خان نے اپنی 27 سالہ سیاست میں ہمیشہ پر امن احتجاج کی بات کی۔

Advertisement
ترجمان نے کہا کہ پی ٹی آئی نے پچھلے 1.5 سال میں 100 سے زائد جلسے کیے لیکن ایک گملا تک نہ ٹوٹا، عمران خان نے 25 مئی اور 26 نومبر کے دھرنے بھی انتشار کے خدشے کے پیش نظر منسوخ کیے، عمران خان پر قاتلانہ حملے کے باوجود ملک میں کوئی پر تشدد کاررائیواں نہیں کی گئیں۔
ترجمان پی ٹی آئی کے مطابق نو مئی کے ہنگاموں کے وقت عمران خان ریاست کی قید میں تھے اور ان کا کسی سے کوئی رابطہ نہیں تھا، پرویز خٹک کو پارٹی رہنماؤں کو پارٹی چھوڑنے پر اکسانے کیلئے شو کاز نوٹس جاری کیا گیا۔
ترجمان کا کہنا ہے کہ پرویز خٹک جھوٹے الزامات لگانے کی بجائے فیصلہ کریں کہ انہوں نے پارٹی میں رہنا ہے کہ نہیں، شاید پرویز خٹک اس قسم کے الزامات کے ذریعے نئی کنگز پارٹی میں اپنے لیے کسی مرکزی عہدے کی راہ ہموار کر رہے ہیں۔
تحریک انصاف کی جانب سے مزید کہا گیا کہ پرویز خٹک اچھی طرح جانتے ہیں کہ تحریک انصاف چھوڑنے کے بعد ان کا سیاسی مستقبل ختم ہو چکا ہے، عمران خان یا پی ٹی آئی پر بے بنیاد الزمات لگا کر یہ اپنی کھوئی ہوئی عزت بحال نہیں کر سکتے، پاکستانی قوم تمام لوٹوں کو پہلے ہی یکسر مسترد کر چکی ہے، ان جھوٹ پر مبنی بے ہودہ ہتھکنڈوں سے پرویز خٹک سمیت تمام منحرف اراکین قوم میں اپنی رہی سہی عزت بھی گنوا دیں گے۔
واضح رہے کہ پی ٹی آئی کی جانب سے موصول ہونے والے شوکاز نوٹس پر پرویز خٹک نے عید کے روز میڈیا سے گفتگو کرتے ہوئے کہا تھا کہ میں کوئی سرکاری ملازم تو نہیں جو مجھے شوکاز ملا ہے۔ میں نے ہمیشہ عوامی سیاست کی ہے، ہماری صوبے کی اپنی روایات ہیں، ہم سیاست میں دشمنی نہیں کرتے۔
انہوں نے مزید کہا تھا کہ پارٹی اراکین سے رابطے کرنا کوئی بڑی بات نہیں ہے، میں نے عمران خان کو متعدد بار کہا مثبت سوچ رکھیں، انقلابی نظریہ ترک کریں، کیونکہ میں اس طرح کی سوچ کو پسند نہیں کرتا، ملک انقلابی سوچ کا متحمل نہیں ہو سکتا، مستقبل کا فیصلہ حلقے کی عوام سے پوچھ کر کروں گا۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
وزیر داخلہ کا بونیر آپریشن میں شہید پاک فوج کے 2 جوانوں کو خراج عقیدت
بارشوں کی پیشگوئی؛ وزیراعلیٰ سندھ نے اہم ہدایات جاری کردیں
نوشکی واقعہ، بس میں سوار مسافر کا ویڈیو بیان سامنے آگیا
نوشکی: دہشتگردوں کی فائرنگ سے جاں بحق 9 افراد کی میتیں کوئٹہ منتقل
سندھ ہائیکورٹ کے 6 ایڈیشنل ججز نے بطور مستقل ججز عہدے کا حلف اٹھالیا
مسافروں کا قتل غیرانسانی فعل، دہشتگردوں کو منطقی انجام تک پہنچائیں گے، سرفراز بگٹی
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر