پاکستان کی معاشی کارکردگی سے متعلق آئی ایم ایف کی رپورٹ جاری

عمر حیات خان

13th Jul, 2023. 11:26 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کی معاشی کارکردگی سے متعلق آئی ایم ایف کی رپورٹ جاری

پاکستان کی معاشی کارکردگی سے متعلق رپورٹ آئی ایم ایف نے جاری کر دی۔

تفصیلات کے مطابق آئی ایم ایف نے معاشی ترقی سے متعلق حکومتی دعوؤں کی قلعی کھول دی۔

آئی ایم ایف کا کہنا ہے کہ رواں سال معاشی شرح نمو 2.5 فیصد رہنے کا امکان ہے، حکومت نے نئے بجٹ میں معاشی ترقی کا ہدف 3.5 فیصد مقرر کر رکھا ہے، گزشتہ مالی سال پاکستان کی معاشی کارگردگی منفی 0.5 رہی، حکومت نے گزشتہ سال جی ڈی پی گروتھ 0.3 فیصد مثبت رہنے کا دعوی کیا تھا۔

رپورٹ کے مطابق اس سال بے روزگاری ساڑھے 8 فیصد سے کم ہو کر 8 فیصد پر آجائے گی، اوسط مہنگائی 29.6 فیصد سے کم ہو کر 25.9 فیصد پر آنے کی جبکہ مالی خسارہ معمولی کمی سے ساڑھے 7 فیصد رہنے کا امکان ہے۔

آئی ایم ایف کا کہنا ہے کہ پرائمری سرپلس جی ڈی پی کا 0.4 فیصد رہنے کا امکان ہے، پاکستان کے ذمہ قرضوں کا حجم 81.8 فیصد سے کم ہو کر 74.9 فیصد پر آجائے گا۔