مردم شماری کو تسلیم کرنے والی پاکستان پیپلز پارٹی کو یوٹرن لینے میں مشکلات کا سامنا کرنا پڑ رہا ہے۔
ذرائع کے مطابق پیپلزپارٹی کے مرکزی مجلس عاملہ اجلاس کی اندرونی کہانی سامنے آگئی ہے، تاہم پیپلزپارٹی کی مرکزی مجلس عاملہ کے اراکین اجلاس میں پھٹ پڑے۔
ذرائع نے بتایا کہ پارٹی رہنماؤں نے سی ای سی میں پی پی قیادت کے فیصلوں پر کڑی تنقید کی اور پارٹی قیادت کے سامنے شکایات کے انبار لگا دیے۔
علاوہ ازیں اجلاس میں پیپلزپارٹی رہنماؤں نے مردم شماری کی توثیق کے فیصلے پر بھی تنقید کی اور مردم شماری کی حمایت کر کے الیکشن کے تابوت میں کیل ٹھوکی۔
ذرائع کے مطابق دوران اجلاس سی ای سی اراکین نے کہا کہ اسمبلیوں کی قبل از وقت تحلیل پر رضامندی سنگین غلطی تھی، اسمبلیوں کی قبل از وقت تحلیل پر رضامندی سے مسائل گھمبیر ہوئے۔
پارٹی ذرائع کا کہنا ہے کہ پیپلزپارٹی الیکشن اسٹریٹجی کی تشکیل پر کشمکش کا شکار ہے جبکہ پیپلزپارٹی کا سی ای سی اجلاس کسی نتیجے پر پہنچے بغیر ختم ہوا۔
پی پی ذرائع نے مزید بتایا کہ مستقبل کی حکمت عملی الیکشن کمیشن کے ردعمل سے مشروط ہو گی، پی پی الیکشن کمیشن کے ردعمل پر آئندہ کی حکمت عملی مرتب کرے گی، تاہم پیپلزپارٹی بروقت انتخابات کے حوالے سے مایوسی کا شکار ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News